Santiago de Compostela, 19 de abril de 2021. A conselleira do Mar, Rosa Quintana, participou hoxe na reunión do grupo de traballo sobre o brexit creado no marco do Consello Galego de Pesca e no que se definiron as liñas de traballo máis inmediatas na defensa do sector unha vez que o Reino Unido abandonou a Unión Europea. A primeira delas será a elaboración dun informe sobre o impacto económico da posible perda de intercambios de cota cos países máis afectados neste acordo pola entrega do 25% das posibilidades de pesca europeas ao Reino Unido a cambio do acceso a augas británicas durante só cinco anos e medio.
O obxectivo deste informe é coñecer os efectos negativos indirectos que pode ter o acordo do brexit na frota por esta circunstancia de cara a tela en conta no traballo futuro. De feito, este documento é fundamental tendo que conta que Galicia defende a necesidade de que no fondo de axuste do brexit se inclúan tamén compensacións para os efectos indirectos na pesca incorporando aspectos como o impacto en augas de terceiros países ou internacionais así como a menor rendibilidade polas dificultades para xerar intercambios.
O grupo de traballo sobre o brexit do Consello Galego de Pesca tamén acordou preparar un informe que avalíe os aspectos sociais e económicos da frota que faena en augas compartidas co Reino Unido de cara á determinación dos totais admisibles de capturas (TAC) e cotas de 2022. O obxectivo é que estes aspectos sexan tidos en conta, xunto cos medioambientais, na fixación das posibilidades de pesca tal e como establece a Política Pesqueira Común (PPC).
Os integrantes do grupo de traballo tamén constataron a necesidade de que a frota europea afectada polo brexit se manteña unida na defensa dos seus intereses polo que apostaron pola elaboración, en colaboración coa Alianza Pesqueira Europea (EUFA), dunha terceira carta de apoio á frota europea. Esta terceira Declaración de Santiago -que se sumaría ás asinadas en outubro de 2017 e xuño de 2020 polo presidente da Xunta, Alberto Núñez Feijóo- contribuiría a mostrar a unidade de acción das rexións pesqueiras europeas nas negociacións posbrexit.
Nesta mesma liña, o Consello Galego de Pesca aposta pola celebración de encontros con outras rexións costeiras atlánticas con intereses coincidentes con Galicia, como poden ser as francesas ou irlandesas, para analizar vías de colaboración que poden ser claves na negociación tralo período transitorio do brexit, máis aló de 2026.
Institucións europeas
A conselleira do Mar tamén deu conta nesta xuntanza das reunións mantidas por videoconferencia nas últimas semanas tanto coa directora xeral de Asuntos Marítimos e Pesca (DG MARE) da Comisión Europea, Charlina Vitcheva, como co presidente da Comisión de Pesca do Parlamento Europeo, Pierre Karleskind, aos que trasladou a postura de Galicia en relación coa situación derivada do brexit, a negociación das posibilidades de captura en augas compartidas e o fondo de axuste do brexit, entre outras cuestións.
Rosa Quintana detallou ademais os contactos mantidos con deputados da Comisión de Pesca do Parlamento Europeo para dar a coñecer a postura de Galicia no relativo ao fondo de axuste do brexit, unhas demandas que tamén foron trasladadas ao Grupo de Cohesión da Conferencia de Rexións Periféricas Marítimas.
A comunidade galega defende a necesidade de que no fondo de axuste do brexit se inclúan tamén os impactos indirectos, como a dificultade para xerar intercambios, así como a ampliación dos recursos deste fondo -dos 600 aos 1.000 millóns de euros- permitindo a incorporación de fondos non empregados do Fondo Europeo Marítimo e de Pesca (FEMP) e que a súa vixencia chegue, como mínimo, ata 2026. Unhas demandas que serán expostas tamén proximamente no seo da Comisión do Arco Atlántico.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
O acto terá lugar ás 18:30 no paseo da Dársena, onde se instalará un hito que lembra a súa distinción como Fillo Predilecto de Navia. Tamén se descubrirá a placa dos gañadores absolutos da LXVII edición do Descenso, celebrada en 2025. “Moreno”, falecido en 2023, dedicou máis de seis décadas a impulsar esta cita deportiva, converténdoa nun referente nacional e internacional. A alcaldesa, Ana Isabel Fernández, destacou que foi “a alma máter do Descenso” e convidou á veciñanza e participantes a asistir ao acto de recoñecemento.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
As persoas que non puideron obter a súa entrada durante o período de reserva anticipada poderán recoller as entradas restantes o propio día da función, mércores 5 de agosto, a partir das 20:00 horas, na taquilla do Teatro Pastor Díaz. A entrega realizarase ata completar a capacidade do recinto, cun máximo de catro entradas por persoa. O Concello de Viveiro agradece a excelente acollida que está a ter esta representación e lamenta as molestias que esta situación poida ocasionar.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
