Ribadeo, 22 de abril de 2021. O Concello de Ribadeo segue na loita contra os lumes forestais e ven de publicar un Bando lembrándolles aos propietarios dos terreos a necesidade de telos rozados antes do remate do mes de maio. Refírese a aqueles que abranguen unha faixa de 50 metros ao redor de solo urbano, de núcleo rural e urbanizable e de vivendas illadas. O alcalde ribadense, Fernando Suárez, subliñou que o Concello iniciou no 2018 unha campaña “valente e inédita” a nivel galego para a protección dos núcleos de poboación e das vivendas illadas contra os lumes forestais, “de aí que ordenásemos que non podía haber especies arbóreas de alta combustibilidade a menos de 50 metros”.
O rexedor indicou que “desde o Concello de Ribadeo levamos varios anos traballando activamente na protección dos núcleos de poboación e das vivendas illadas contra os lumes forestais. De aí que, no ano 2018, iniciásemos unha campaña valente e inédita, tamén a nivel galego, para indicar a necesidade de cumprir nin máis nin menos que o que di a lei galega. De aí que ordenásemos que non podía haber especies arbóreas de alta combustibilidade a menos de 50 metros”.
Suárez Barcia lembrou que “daquela foron trasladadas centos de comunicacións e centos de requirimentos. Moitísimos propietarios fixeron caso do que marca a lei e limparon, talaron e desbrozaron os seus predios para evitar desgrazas no caso de haber incendios forestais”.
O alcalde dixo que “tamén, desde o Concello, levamos anos compensando dalgún xeito a todos estes propietarios coa entrega que facemos cada ano de especies frondosas autóctonas coma castiñeiros, carballos, acivros, etc…, para que se repoboen estes espazos a fin de evitar que a broza medre cada ano e que haxa que proceder á súa limpeza”.
Fernando Suárez subliñou que “este Bando que acabamos de publicar ben dicir isto mesmo que di a lei. É un recordatorio de que, de acordo coa lei galega nos seus artigos 21 e 22, non poderán existir nin rexotar especies como pinos, eucaliptos, acacias ou mimosas, ademais de ter que seren rozados todos os anos, antes do remate do mes de maio de cada ano”.
E engadiu: “queremos recordalo advertindo, unha vez máis, sobre a necesidade de ter adaptadas estas faixas de protección arredor das vivendas, dos núcleos e das casas á normativa en vigor. Para calquera dúbida ou aclaración pódese contactar, sen ningún problema como sempre, coa Área de Medio Ambiente do Concello de Ribadeo”.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
