Foz, 6 de abril de 2021. O pleno celebrado pola corporación municipal o pasado luns puxo de manifesto, unha vez máis, a incapacidade do goberno presidido por Fran Cajoto para xestionar con eficacia os intereses dos veciños de Foz e, o que é aínda máis grave, a súa xa moi probada falta de modestia para recoñecer e emendar os erros cometidos. Así ocorreu na sesión plenaria máis recente na que, segundo destacan os concelleiros populares, “PSOE e BNG votaron en contra da proposta do PP para deseñar un plan de accesibilidade en Foz, unicamente por xustificar as chapuzas nas obras novas que están a facer”.
O concelleiro popular Juan Rivas explica: “O alcalde recoñeceu que as beirarrúas en Vilaxoane non cumpren o ancho mínimo, o que é inaceptable nunha obra nova que poñerá en risco especialmente ás persoas con mobilidade limitada, que atoparán trampas perigosas en itinerarios de recente construción”.
O mesmo representante popular sinala: “O mesmo pasa nas beirarrúas de Julia Minguillón, onde se deixou o que a xente xa tilda coma “foso dos leóns”, unha entrada a un garaxe que ocupa o ancho da beirarrúa e que necesitará de varandas para evitar caídas frontais; así as cousas, é preciso facer dous crebos de 90 grados para transitar recto”.
Rivas considera que “Cajoto demostra ter nula capacidade para resolver problemas sobrevidos coma estes, que precisaban ou ben de expropiacións de muros particulares ou ben novas solucións a entradas a garaxes; prefire tirar para diante, porque hai que inauguralas”. Engade: “É un autentico despropósito que culminou onte no pleno coa xustificación dunha rampla na rúa do Asilo que non cumpre o establecido na orde ministerial de novos itinerarios accesibles; é unha obra impropia dun enxeñeiro de Camiños como é o señor Cajoto”.
O concelleiro Juan Rivas di: “As normas están para cumprilas; non se cumpre a legalidade facendo como dixo Cajoto, que asegurou que cumprindo coa lei galega chega, afirmación esperpéntica que non entendemos en obras novas que teñen a obriga de cumprir coa máxima legalidade”.
Rivas pregúntase “como vai agora esixir o alcalde aos veciños que cumpran as normas se o goberno local é o primeiro en saltarse a legalidade, e máis aínda nun asunto tan importante como a accesibilidade en 3 casos tan concretos e coincidentes no tempo”. Considera que “o equipo de goberno demostrou nula xestión e nada de autocrítica; o Partido Popular xa avisou de que esixirá responsabilidades a quen recepcione obras que non cumpren coa total legalidade”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
