Compostela, 6 de abril, 2021. As vogais do Sindicato Labrego no Consello Galego de Benestar, Margarida Prieto e Ana Eiras, veñen de solicitar hoxe, 6 de abril, a convocatoria urxente dun pleno extraordinario para que se informe en que fase se atopa o novo modelo de residencias no que a Consellaría de Política Social estaba a traballar; ou sobre os trinta proxectos que a conselleira, Fabiola García, anunciou que se van financiar cos fondos europeos de recuperación, e se estes van ser de iniciativa privada ou pública.
Esta petición fíxose a raíz de saber que un dos eixes nos que se centra o Plan de Recuperación, Transformación e Resiliencia deseñado pola Presidencia do Goberno de España, en outubro de 2020, é o dos servizos sociais e os cuidados. Neste senso, cómpre lembrar que no último pleno do Consello Galego de Benestar, celebrado o 10 de decembro de 2020, anunciouse por parte de responsables da Consellaría de Política Social que se estaba empezando a traballar nun novo modelo de residencias. Tamén se comentou, en varias ocasións, que se pretendía que este novo modelo fose o máis consensuado e participativo posible. A maiores, existe o compromiso, dende hai varios anos, de poñer a andar un grupo de traballo para analizar o funcionamento da Lei de Dependencia.
Con estes antecedentes, dende o SLG non entendemos como agora que se vai dispoñer de fondos e financiamento para poñer en práctica a Lei de Dependencia ou ese novo modelo de residencias, non se estean a planificar eses investimentos dende o diálogo e o consenso nun foro creado para esta finalidade como é o Consello Galego de Benestar. De feito, coñecemos antes, a través de varios medios de comunicación, que xa se presentaron unha trintena de proxectos candidatos aos fondos europeos, dos que Fabiola García destacou dous: a transformación dos centros de servizos sociais para menores, maiores e persoas con discapacidade; e o impulso do rural como escenario para o envellecemento activo e a inclusión social a través de proxectos de cohousing e de integración de 400 familias en risco de exclusión.
Porén, non houbo convocatoria do Consello Galego de Benestar para informar tan sequera destes proxectos, nin para abrir vías de diálogo e consenso entre os diversos axentes sociais da Galiza de cara a investir estes fondos dunha maneira o máis participativa e transparente posible.
Agora, tras a presentación do escrito do Sindicato Labrego, agardamos que o Consello Galego de Benestar se reúna con carácter de urxencia para informar sen máis ocultamentos onde e en que se van a gastar os fondos de recuperación destinados a servizos e fins sociais na Galiza.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
