Burela, 14 de abril de 2021. O Grupo Municipal Popular de Burela denuncia que “o Sr. Llano volve incumprir a lei”. Así o manifestan os populares tras coñecer da man da Valedora do Pobo que “non respondeu ao requirimento que esta lle fixera a finais de febreiro e ao que está obrigado a responder por lei” en relación á denuncia que fixera o Grupo Municipal Popular de Burela ante a “absoluta opacidade que caracterizou o seu mandato ao longo do ano 2020”.
Dende as filas populares lembran que “das 23 solicitudes de información requiridas no 2020 dende o inicio do estado de alarma, o Sr. Llano non contestou a 15 delas sendo sabedor de que se trata de información que está nas dependencias do Concello e que ten a obriga de facilitala”.
Os populares pregúntanse entón “por que esta falta de transparencia. Se todo vai tan ben no Concello, tal e como el di, por que oculta a información que dende o Grupo Municipal Popular lle pedimos”, preguntan. “Que ten que ocultar o Sr. Llano?”, insisten.
Incumprimentos reiterados
Tal e como explican dende o PP, “ao Sr. Llano parece que iso de cumprir a Lei non lle cae moito en gracia e por iso decidiu infrinxila novamente ao non contestar á petición formulada pola Valedora do Pobo. Pero non é a primeira ocasión”, aclaran. “Tódolos veciños poden comprobar que isto se repite sistematicamente nos numerosos plenos telemáticos emitidos”.
Os populares explican que “no último deles, por exemplo, non presentou a tempo a documentación que era obxecto de debate nin deu conta da morosidade do Concello no referente ás facturas impagadas do ano 2020, punto que figuraba na orde do día e que dende secretaría tampouco lle advertiron”.
Por outra banda, “e segundo se pode observar na gravación do propio pleno, o Sr. Llano di en referencia á última ordenanza que vai a lastrar máis a economía dos veciños e veciñas de Burela, que a súa aprobación non supón que se lles vaia a aplicar dita ordenanza”.
Dende o PP burelés non entenden “como é posible que un alcalde, coa máis mínima seriedade, poda recoñecer publicamente que non vai aplicar unha ordenanza municipal que el mesmo aproba”. Nese sentido aclaran que “ao alcalde Llano sóbralle descaro para recoñecer publicamente que vai a infrinxir as normas”.
Para os populares está claro que “o Sr. Llano e o seu equipo pretenden facer de Burela o seu feudo particular, pois considéranse por riba do ben e do mal, seres superiores que non están suxeitos nada máis que aos seus propios caprichos” e advirten que “dende o PP non o imos consentir. Houbo un tempo ao que este tipo de actitudes déspotas se lles denominaba caciquís, esperemos que o Sr. Llano e o seu equipo de goberno non traten de rememorar ese tempo”, conclúen.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
