Lugo, 15 de Abril 2021. A portavoz nacional, Ana Pontón, visitou o Polígono industrial do Ceao para comprobar in situ os danos causados polo incendio que destruíu varias naves e valorar as medidas que se poidan adoptar para paliar os efectos da catástrofe e evitar que se perda nin actividade económica nin postos de traballo.
“É un dos polígonos industriais máis importantes non só de Lugo senón tamén de Galiza e a prioridade é que se habiliten axudas directas ás empresas afectadas para que se recupere a normalidade canto antes e que non se perda ningún emprego, nin ningunha empresa porque non está nin Lugo nin o País para deixar polo camiño pulso industrial e produtivo no medio da maior crise económica e social en tempos de paz”, salientou a líder nacionalista.
Pontón indicou que ante a grave afectación que tivo o incendio en varias empresas, todas as administracións, -Xunta, Goberno central, Concello e Deputación-, “deben poñerse man a man a colaborar para restablecer o ritmo de actividade habitual no polígono do Ceao”, argumentou.
A portavoz nacional tamén expresou o total recoñecemento do BNG ao traballo levado a cabo por todas as persoas que, dun xeito ou outro, participaron na extinción, tanto os profesionais como os que se sumaron de maneira voluntaria, “porque a súa eficaz actuación permitiu que a catástrofe non fose maior”.
Pontón non quixo aventurar ningún tipo de hipótese ou conclusión, á espera de que finalice a habitual investigación tras un lume, máis aló de valorar a antigüidade do polígono industrial, -empezou a súa actividade fai 43 anos-, e que tras as conclusións desa investigación procederá analizar se hai que tomar algún tipo de medida para mellorar a seguridade, traballando man a man administracións e empresas.
“O importante é que saquemos conclusións para evitar que esta situación se volva repetir ou, de ser así, que a actuación sexa o máis eficaz posible para minimizar danos”, concluíu, tras a visita na que estivo acompañada polo portavoz municipal, Rubén Arroxo, pola deputada por Lugo, Olalla Rodil, Maite Ferreiro e Efrén Castro, como responsables do BNG na Deputación.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
