Viveiro, 16 de abril, 2021. Vendo a situación actual, o 15º aniversario do Resurrection Fest adiase ao 2022. Afortunadamente, cremos que esta será a derradeira, xa que por fin vese a luz ao final do túnel grazas á vacinación masiva e esperamos que nos vindeiros voltemos á normalidade.
A 15ª edición do Resurrection Fest Estrella Galicia realizarase do 29 de xuño ao 2 de xullo de 2022, na fin de semana habitual dos últimos anos. Dende fai semanas moit@s preguntádesnos se se poden gardar as entradas para a seguinte edición e, en efecto, tal e como ocurreu en 2020, todas as entradas mercadas previamente (abonos, Resucamp, viaxes…) serán válidas o ano que vén sen necesidade de facer nada pola vosa parte. Na medida do posible, pedímosvos que gardedes as vosas entradas para que o festival poida seguir adiante con forza e facer a edición máis épica de nosa historia.
A verdade é que aínda que que pensabamos que o máis difícil xa pasara, tras dous anos sen poder facer festivais, agárdannos moitos máis meses sen poder voltar ao traballo como antigamente, xa que a cultura e a industria da música en directo fomos dos peor parados nesta pandemia. Falamos de perdas millonarias e de moitos postos de traballo ao longo do ano e durante o evento (casi 4.000 postos de traballo entre directos e indirectos), cun impacto económico na comarca e sobre todo en Viveiro de máis de 17 millóns de euros en só unha semana. Sendo un festival independente sen ninguén detrás que manteña a flote o barco fai esta travesía moito máis difícil. Por sorte, o ano pasado amosáchedes a vosa fidelidade cun mínimo número de devolucións, e confiamos en que este ano poidades estar aí de novo.
Ao igual que o ano pasado, o 2022 preséntase moi bo e podedes agardar un cartel similar ao de 2020 e 2021, mantendo moitísimas das bandas e con novas sorpresas. Será un dos mellores carteis que xamais tivemos, e esperamos anuncialo proximamente. Ademais gardamos unha gran sorpresa para este ano, así que permanecede atent@s.
Se non podedes gardar a entrada porque non sabedes se poderedes vir o ano que vén, pero queredes axudar igualmente, máis adiante haberá unha plataforma para poder revender éticamente e de maneira segura a vosa entrada a un amigo ou familiar que non puidera mercala previamente ao estar o festival “sold-out”. Se non podedes vir e non podedes esperar, tamén poderedes tramitar a devolución da entrada sen problema. Tedes máis detalles ao respecto na sección de entradas da nosa páxina web.
Durante estes 15 anos pasamos por moitos obstáculos e sempre saímos adiante convosco. Sabemos que 2021 será outro ano máis da man do noso público e todo o malo quedará atrás.
Rematamos con algo que tamén vos dixemos no comunicado de adiamento do ano pasado, porque é algo para sempre: grazas unha vez máis polo voso apoio e comprensión. Grazas aos fans, traballadores, bandas, patrocinadores, entidades públicas, medios de prensa, ao pobo de Viveiro e a todo o mundo que fai posible o festival. Apoiade á música e á cultura nestes tempos difíciles. Entre tod@s sairemos adiante. Vémonos en Viveiro!
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
