Santiago de Compostela, 5 de maio de 2021. A directora xeral de Desenvolvemento Pesqueiro, Susana Rodríguez, explicou hoxe na Comisión 8ª de Pesca e Marisqueo do Parlamento galego que a información aportada polo Atlas da frota de baixura do litoral de Galicia (2000-2018) é fundamental para que Galicia avance na toma das mellores decisións na xestión das pesqueiras en augas da comunidade e para acadar unha actividade sostible e rendible para os profesionais do mar.
A representante da Consellería do Mar explicou que esta ferramenta, que está a disposición do sector e de calquera cidadán, é froito do traballo realizado pola Unidade Técnica de Pesca de Baixura (UTPB) desde 1999 mediante o embarque de observadores a bordo dos buques pesqueiros -que rexistran os resultados obtidos polos mariñeiros nas súas xornadas de faena- e da análise dunha media de 3.000 lances anuais, unha información que se suma aos datos de vendas nas lonxas ofrecidos pola Plataforma Tecnolóxica da Pesca.
O atlas, subliñou Susana Rodríguez, fai unha radiografía da actividade extractiva da frota de artes menores, das súas características e das 20 principais modalidades de pesca existentes -como os distintos tipos de nasas ou as artes de enmalle, entre outras- así como a súa evolución. A isto súmase a avaliación en detalle das principais especies obxectivo da baixura -un total de 22, entre as que se atopan o polbo, a centola, a nécora, a sardiña, o xurelo, a pescada ou a vieira-, a súa presenza nas distintas zonas do litoral de Galicia e a evolución das súas capturas.
A directora xeral de Desenvolvemento Pesqueiro incidiu en que esta ferramenta é clave no desenvolvemento dunha pesca sostible así como na adopción das mellores decisións na explotación das especies. Por iso, a Xunta actualizará este atlas de xeito constante nos vindeiros anos co obxectivo de avanzar nunha xestión que teña en conta tanto os aspectos medioambientais como económicos e sociais.
Terreos portuarios
Pola súa banda, a presidenta de Portos de Galicia, Susana Lenguas, analizou a tramitación das solicitudes de reversión de terreos portuarios realizadas por diferentes concellos. A este respecto, a responsable do ente público lembrou que a Xunta está traballando nesta cuestión a través dun grupo de traballo coa Federación Galega de Municipios e Provincias (Fegamp) e de xeito independente cos concellos interesados no proceso de reversión. Neste marco realizouse un extracto legal e definíronse xa os trámites e criterios que se aplicarán para a valoración das solicitudes dos concellos, que ata o momento son 19 correspondentes a 17 municipios.
A presidenta de Portos de Galicia tamén aclarou que a reversión dos terreos dependerá, entre outras cuestións, dos intereses da Dirección Xeral de Costas do Estado e que, de producirse a reversión, os terreos incorporaríanse ao patrimonio estatal, que no seu caso podería cedelos ao municipio. Dado que se trata de terreos de dominio público marítimo-terrestre, a renuncia por parte de Portos de Galicia devolvería a titularidade do solo ao Goberno central. Neste sentido, subliñou que a proposta deberá elevarse ao Consello de Ministros, órgano competente para a aprobación final da reversión.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
