Barreiros, 10 de maio de 2021. O voceiro do Grupo Municipal Popular de Barreiros, José Manuel Gómez Puente, remarca que “a Xunta achega 64.000 euros para as obras de mellora e humanización do centro de San Cosme”. Trátase dun plan da Consellería de Medio Ambiente, Territorio e Vivenda para a mellora da urbanización, equipamentos e recuperación de espazos públicos.
O popular pon así en valor “a destacada aportación do Goberno galego de cara ao desenvolvemento deste proxecto para a mellora estética da zona e do que se beneficiarán os nosos veciños”; xa que “supón o 70% do investimento total da actuación”.
Gómez Puente subliña “a implicación con Barreiros por parte da Xunta de Galicia que nos últimos tres anos ten aportado máis de 8,4 millóns de euros ao noso municipio para o mantemento de diferentes servizos, o fomento de programas de emprego e igualdade ou en concepto de distintas axudas directas aos veciños”. O popular recorda que, entre outras achegas, “na pasada anualidade, a administración autonómica achegou preto de 208.000 euros ao Concello a través do Fondo de Cooperación Local”.
Axudas á hostalería e ao comercio
O voceiro dos populares no municipio explica tamén que “no ano 2020 profundamente marcado pola pandemia da covid-19, a Xunta respondeu aplicando medidas para a prevención dos contaxios e tamén convocando liñas de axudas aos autónomos e pequenas empresas prexudicadas”. Nese sentido, “o Goberno galego achegou 38.800 euros en axudas correspondentes ao primeiro plan de rescate e 13.000 euros para a dixitalización e modernización do comercio”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
