Ribadeo, 24 de maio, 2021. A finais do mes pasado, unha vez observada a evolución dos incumprimentos en relación coa illa Pancha, o acceso e o medio, dende o noso grupo puxémonos de novo en contacto co Defensor del Pueblo.
Cabe lembrar que anteriormente, o Defensor del Pueblo admitira a nosa razón e dereito, e solicitara e presionara a diferentes administracións a resolución e restitución da Illa Pancha a un estado legal e de uso semellante ó que reclamamos, rematando por -literalmente- tirar a toalla ó non ter poder para obrigar a cumprir coa legalidade a ditas administracións -sexan Concello, Xunta ou Ministerio- e entidades como Puertos ou a concesionaria, como representa o parágrafo final do seu escrito:
“Esta institución lamenta no haber podido resolver el problema denunciado por esa Asociación y la falta de diligencia de la Administración portuaria para asegurar el uso sostenible de los espacios de su titularidad y para evaluar y corregir los posibles impactos de un proyecto que se ejecuta en un lugar de la Red Natura 2000”
Se agora nos referimos de novo á institución que representa o Defensor é porque a ocupación da illa Pancha, e os permisos para unha cafetería mesmo sen ter solucionado problemas anteriores, entendemos que seguen non só a vulnerar os puntos sinalados polo Defensor e outros que non se chegaron a poñer no seu coñecemento, senón tamén acumulando incumprimentos e vulneracións que atinxen a todos nós como comunidade nunha illa que é emblemática para Ribadeo e os ribadenses. Emblema que non envellece, senón máis ben se potencia, como o amosa que esta mesma semana saia nos xornais en varias ocasións como imaxe simbólica de Ribadeo de cara á promoción do turismo. E emblema que vai ser usado unha vez máis, desta volta a raíz dunha licenza outorgada polo concello en pleno peche polo Covid para obrar e abrir unha cafetería, feito detonante pola nosa indefensión da nova apelación ó Defensor del Pueblo.
En resposta á nosa petición, o Defensor tennos solicitado o pasado mes documentación varia que xa enviamos, continuando o proceso, do que iremos dando conta a medida que a situación o requira.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
