A Mariña, 21 de xuño 2021. O servizo de radioloxía no Hospital comarcal da Mariña en Burela leva xa varios anos sufrindo unha serie de déficits que afectan á calidade da sanidade pública mariñá e por suposto aos e ás doentes desta comarca. Isto débese ao feito de que desde hai varios anos hai dúas prazas de radioloxía que seguen sen ser cubertas por diversos motivos.
A isto hai que sumar outros casos como que as colonoscopias que se realizan tras o positivo na proba de cribado para cancro de colon fosen as primeiras que pasasen a derivarse ao HULA, a pesar de que no centro de Burela estean dotadas dúas equipas de endoscopias.
Diminúen os servizos no Hospital da Mariña e e aumentan os desprazamentos a Lugo
Deste xeito, podemos ver un exemplo máis da política sanitaria da Xunta de Galiza consistente en baleirar de servizos os hospitais comarcais, como é o caso do hospital mariñao para centralizar toda a atención nos grandes hospitais das capitais de provincia, neste caso o HULA en Lugo, afastando a sanidade da poboación e provocando uns maiores desprazamentos aos e ás doentes da nosa comarca.
Desgrazadamente este tipo de decisións estendéronse a outro tipo de enfermidades como é a do cancro de mama, xa que a día de hoxe un grande número de mulleres están sendo derivadas ao HULA nos casos no que as mamografías do cribado do cancro de mama resultan dubidosas para que unha vez alí, se lles realicen diversas probas que até hai ben pouco se levaban a cabo con total normalidade no hospital mariñao.
“Este tipo de decisións, ademais do xa comentado afastamento da sanidade aos doentes, traen consigo un maior sufrimento e incertidume a todas esas doentes que precisan saber coa maior das brevidades se teñen algún tipo de patoloxía canceríxena”, afirmou Daniel Castro, que rexistrou hoxe as iniciativas mediante as cales o Grupo Parlamentar do Bloque Nacionalista Galego vai propoñer que o Parlamento galego inste á Xunta a manter o proceso completo do cribado do cancro de mama no Hospital da Mariña como se veu facendo até o momento e sen realizar ningún tipo de derivación a outro hospital e vai pedir explicacións tamén sobre as derivacións ao HULA dun proceso que anteriormente se viña realizando con total normalidade no hospital mariñao. “O PP terá que explicar claramente ás mariñás e aos mariñaos cales son as razóns, se é que as hai, destas derivacións ao HULA” concluíu Castro.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
