Lugo, 17 de xuño de 2021. O deputado de Deportes, Efrén Castro, e a vicepresidenta Maite Ferreiro recibiron no Pazo de San Marcos ao Pescados Rubén Burela FS, que o domingo logrou o seu cuarto título de Liga de Primeira División Feminina.
No acto, coa presenza das xogadoras, do corpo técnico, do presidente do club Manuel Blanco e da vicepresidenta Cesarina Fanego, proxectouse vídeo promocional que as xogadoras laranxas gravaron o pasado 2 de xuño na Muralla de Lugo, unha acción na que prestaron a súa imaxe á proxección do deporte lucense e do monumento máis emblemático da cidade de Lugo.
O deputado de Deportes agradeceu ao equipo laranxa “que nos deixedes formar parte deste proxecto que está facendo historia a nivel deportivo, converténdose nun referente europeo e mundial, pero tamén social, contribuíndo a visibilizar e poñer o foco no deporte feminino. Desde a Vicepresidencia queremos poñer o noso pequeno gran da area para reclamar a atención e o apoio que sobradamente gañades na cancha”.
O acto tamén serviu para que as xogadoras expuxeran a súa valoración da traxectoria do equipo, con 9 títulos consecutivos desde 2019. Patricia González Mota “Peque” reivindicou o traballo do equipo, “que leva 700 días gañando todos os títulos” e reclamou a atención das “institucións deportivas para que o fútbol sala feminino conte cunha competición europea”. “As nosas horas de traballo son as mesmas que as dos equipos masculinos pero non recibimos o mesmo tratamento, e iso dóenos”, lamentou a fubolista laranxa, nomeada segunda mellor xogadora do mundo de fútbol sala feminino.
As xogadoras laranxas, acompañadas polos representantes do goberno provincial, luciron a copa da Liga no balcón do Pazo de San Marcos e fixeron a foto de familia na praza, tras do lema “Non é gañar, é facer historia”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
