Viveiro, 22 de xuño de 2021. O peirao vello de Viveiro presta un servizo fundamental á cidade como aparcadoiro. En función da moción presentada polo PP en decembro de 2019 e aprobada polo pleno da corporación municipal, coas abstencións dos concelleiros socialistas e nacionalistas, o Concello solicitou a Portos de Galicia a cesión dese terreo. O pasado 21 de abril Portos respondeu deixando clara a súa vontade de establecer un convenio polo que o Concello regule e se faga responsable da superficie mentres se tramita a posible reversión dos terreos a Costas que, á súa vez, os trasladará ao Concello. A día de hoxe, segundo indica o portavoz popular, Óscar Rodríguez, o convenio segue no caixón da alcaldesa, mentres os usuarios do aparcadoiro están cada vez máis fartos das deficiencias que presenta este espazo. Rodríguez anuncia que o PP levará de novo este asunto ao pleno, na próxima sesión, e urxe á alcaldesa a tramitar canto antes a firma do acordo.
O portavoz popular lembra que “o 4 de decembro de 2019, o grupo municipal do PP de Viveiro presentou no pleno unha moción para que o Concello solicitase a Portos a cesión do peirao vello de Viveiro”. Destaca que os populares xa falaran con Portos, “que estaba en disposición de ceder o peirao vello gratuitamente”; o Concello faríase cargo do mantemento, vixilancia e da urbanización.
Rodríguez sinala: “Esta moción saíu adiante coa abstención do PSOE e do BNG. Con data do pasado 21 de abril, Portos enviou un borrador de convenio para ultimar a cesión, que sería totalmente gratuíta. Hai que destacar que Portos de Galicia é un ente público empresarial adscrito á Consellería de Mar, e procura por medio dun convenio que sexa o Concello o que se encargue do mantemento do espazo, dado que outra alternativa sería promover a xestión privada da superficie”.
A preocupación dos populares vai en aumento porque, como indica Óscar Rodríguez, “estamos rematando xuño e o convenio sigue no caixón da alcaldesa e sen firmar”. Por iso anuncia que o grupo municipal do PP vai “reclamar de novo, no próximo pleno, que se firme ese convenio para que ese espazo de uso público que é o peirao vello de Viveiro poida estar nas condicións axeitadas”.
Sinopse: Cando chega a noite e nós durmimos, a Lúa asoma polas fiestras e goza dos nosos soños. Así descobre historias máxicas, tolas e divertidas. Os seus soños favoritos son os de Calcetín, un personaxe amante da lectura e cunha imaxinación desbordante. Viaxa entre estrelas, pilota un zapato que percorre os mares ou chega ao mundo do revés. Unha proposta chea de fantasía e creatividade para fomentar o gusto pola lectura entre os máis pequenos.
Na presentación participaron o delegado territorial da Xunta, Javier Arias; o Deputado de Cooperación e Asistencia aos Concellos, Xosé María Arias e o deputado de Rural Daniel García, que puxeron en valor a tradición e o traballo das filloeiras. A organización prevé poñer á venda 18.000 filloas, incluíndo opcións sen glute, e o recinto feiral acollerá artesanía, música, obradoiros e a entrega dos premios do concurso escolar. O xornalista David Valverde Cabaleiro será o pregoeiro. A Vicepresidencia da Deputación colabora coa actuación de Nubeiro e cunha degustación de xamón de porco celta a través do programa Un Gusto de Rural. Arredor de 150 persoas participarán na organización ao longo da xornada.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
