Lugo, 24 de xuño de 2021. O PSOE mantén un xogo moi escuro en todo o que ten que ver co futuro de Alcoa. O comité de empresa presentou as institucións locais, concellos e Deputación, unha iniciativa para que a SEPI interveña temporalmente a planta de Aluminio. Na Deputación, o PSOE non quere presentar esa iniciativa como de goberno e, por iso, a presenta o BNG como grupo político. Os populares esixen que, como se fixo noutros moitos casos, esta iniciativa do comité de Alcoa sexa presentada como iniciativa do goberno provincial. En todo caso, o PP anuncia que apoiará esta moción.
O portavoz provincial dos populares, Javier Castiñeira, sinala: “Dende o grupo provincial do PP esiximos ao goberno da Deputación que presente a iniciativa que lle propuxo o comité de empresa de Alcoa, do mesmo xeito que o fixeron os diferentes concellos na Mariña; que o faga como proposta de goberno ou proposta de presidencia, pero sen ser de ningún partido político en concreto”.
Os populares pregúntanse “que é o que ten que ocultar o PSOE de Lugo para non querer levar a moción como proposta de goberno na Deputación, cando noutros casos similares si se fixo, poñendo voz a outros diferentes colectivos que así o pediron”.
Castiñeira di: “Cremos que se trata simplemente de desvirtuar a proposta e que queren protexer ao PSOE dende as institucións; tratan de evitar que as reivindicacións do comité, ante a negativa do Goberno de intervir a planta de Aluminio, leven o selo da Deputación de Lugo”. E iso a pesar de que “en todos os concellos nos que se presentou, gobernados polo PP e tamén polo propio BNG, presentouse como proposta de goberno e ningún partido quixo capitalizar a iniciativa que vén do comité, como está pasando agora na Deputación; ao non presentar esta proposta como goberno, o BNG decidiu presentala como proposta de partido, o cal non ten o mesmo significado”.
Castiñeira anuncia: “O PP vai votar a favor, veña a proposta do goberno ou veña do BNG, o que si queremos é que o Goberno cumpra o prometido e actúe intervindo coa SEPI provisionalmente a planta de Aluminio. Lamentamos o esquinazo que o presidente e o goberno da Deputación dan ao comité, non facéndoo como goberno, como institución, ás reivindicacións de miles de veciños da Mariña que viven do aluminio, obrigando ao BNG a levala como moción de partido, co cal, evidentemente non ten o mesmo significado”.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
