Ribadeo, 1 de xullo de 2021. O delegado territorial da Xunta en Lugo, Javier Arias, destacou hoxe que preto de 500 persoas mozas da Mariña (498 a día de hoxe) son usuarias da tarxeta Xente Nova, que desde o pasado 21 de maio permite viaxar gratis no autobús da Xunta por toda Galicia.
Arias visitou a estación de autobuses de Ribadeo para interesarse polo funcionamento desta tarxeta, coa que as persoas menores de 21 anos poden desprazarse de balde en calquera das liñas de bus interurbano que xestiona a Administración galega.
Lembrou que ata hai pouco esta medida estaba operativa nas áreas de transporte metropolitano, na provincia de Ourense e en 13 concellos da área de Pontevedra, mentres que agora ampliou a súa cobertura territorial a toda a Comunidade.
O delegado subliñou que a tarxeta Xente Nova permite a todos os mozos e mozas galegos, vivan onde vivan, realizar ata 60 viaxes ao mes de balde nas máis de 3.100 liñas de autobús renovadas que xestiona a Consellería de Infraestruturas e Mobilidade.
Como exemplo, explicou que un mozo ou moza de Ribadeo, onde neste momento hai 44 usuarios da tarxeta, pode trasladarse gratuitamente no bus da Xunta a localidades da comarca como Foz, Burela ou Viveiro; pero tamén a cidades como Lugo ou A Coruña por motivos de estudos ou ocio, así como a calquera concello galego.
En toda a provincia de Lugo, máis de 3.200 rapaces e rapazas menores de 21 anos xa desfrutan das bonificacións da tarxeta Xente Nova, que incrementou substancialmente o número de persoas usuarias desde que ampliou a súa cobertura territorial. Así, foron expedidas 250 tarxetas en maio e arredor de 600 en xuño, fronte ás 20 do mes de abril.
Engadiu que na provincia hai máis dunha vintena de sucursais de Abanca -a entidade financeira colaboradora- na que poden adquirirse tanto esta tarxeta como a tarxeta moedeiro TMG. Esta última, lembrou, é de uso xeral e garante un desconto mínimo do 10% no prezo da viaxe, que pode chegar ata o 50% no caso de desprazamentos recorrentes. Toda a información está dispoñible na páxina web bus.gal.
O delegado destacou que esta medida constitúe un estímulo para que os máis novos empreguen o autobús e supón un importante aforro económico para as familias.
Aposta polo transporte público
Arias salientou que a aposta da Xunta polo transporte público tamén se traduce na mellora dos equipamentos. No caso da Mariña, puxo en valor as obras de reforma e modernización executadas o ano pasado nas estacións de autobuses de Ribadeo, Viveiro e Burela, nas que o Goberno galego investiu uns 430.000 euros.
Así mesmo, o delegado precisou que está en proceso de adxudicación o contrato de xestión para a explotación das tres terminais por un período de cinco anos, por un valor estimado de máis de 882.000 euros.
O contrato de concesión inclúe a xestión dos servizos públicos regulares de transporte de viaxeiros en autobús, así como a explotación dos locais e servizos complementarios das terminais e das zonas comúns.
En Ribadeo
O voceiro do Grupo Municipal Popular e deputado autonómico, Daniel Vega, pon en valor que 44 mozos de Ribadeo menores de 21 anos poden viaxar gratis por toda Galicia grazas á Tarxeta Xente Nova.
Trátase, destaca o popular, “dun carné co que axudamos aos mozos e mozas”, polo que non dubida en animar aos que aínda non o fixeron a esta tarxeta “onde o transporte público é gratuíto”.
Mellora da estación de autobuses
Daniel Vega subraia así a “firme aposta” do Executivo da Xunta pola mobilidade e o transporte de balde. Tal é así que, avanza, “seguimos xestionando orzamento e seguiremos colaborando e traballando para mellorar tamén a estación de autobuses, na que xa se investiron 144.000 euros e está en marcha un proxecto de modernización das instalacións”.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
