Burela, 19 de xullo, 2021. A Organización de Produtores Pesqueiros de Lugo está levando a cabo un proxecto piloto sobre melloras de selectividade na pesca de arrastre de litoral do caladeiro de Cantábrico-Noroeste no que participan buques pesqueiros comerciais.
O proxecto técnico, que consiste en analizar e desenvolver as medidas técnicas para a redución de descartes na pesquería de arrastre de fondo, está coordinado por OPP Lugo coa dirección científica do equipo de investigadores do Instituto Español de Oceanografía (IEO) de Vigo, dirixido por Julio Valeiras; autorizado e supervisado pola Subdirección Xeral de Investigación Científica e Reservas Mariñas da Secretaría Xeral de Pesca (MAPA).
Este proxecto sobre tecnoloxía de artes pesqueiras, denominado SELECTLUGO, iniciouse no ano 2020 cun estudio de situación e necesidades en canto a capturas de especies non desexadas, establecendo un plan de traballo no que resulta fundamental o coñecemento dos patróns respecto ao comportamento das artes de pesca e as posibles estratexias para realizar unha pesca máis selectiva evitando os descartes.
Este mes estase levando a cabo unha campaña experimental a bordo con mallas romboidais de 70 e 55 mm, usando sobrecopos especiais de 35 mm que permiten diferenciar as capturas por tamaños e especies.
Armadores, redeiros, investigadores e técnicos de OPP Lugo deseñaron e construíron estas redes que agora se están probando, cun sistema de copos e sobrecopos en diferentes dimensións de malla que permitirán coñecer as propiedades selectivas de cada tamaño de malla para as especies comerciais máis importantes, como pescada, gallos, xurel, lirio, cabala, peixe sapo, etc.
A campaña estase realizando a bordo do buque “Praia de Rueta”, arrastreiro de litoral que xa participara noutros estudios co IEO dirixidos á selectividade e supervivencia, e que, durante 15 días efectivos de pesca, desde o pasado luns 5 ata este venres 23 de xullo, conta con dous observadores científicos embarcados que están supervisando e tomando datos duns 45 lances de pesca.
Os resultados de SELECTLUGO permitirán actualizar a información dispoñible sobre as propiedades selectivas das artes de arrastre utilizadas no caladeiro nacional, de gran necesidade e utilidade para o sector pesqueiro, obtendo os parámetros de selectividade para as principales especies e dispoñendo de información científico-técnica que sirva para actualizar as exencións da Obriga de Desembarque por selectividade e “alta supervivencia” para as raias na área 8c.
Emitirase un informe final que será trasladado á SEGEPESCA. A colaboración entre armadores, administración e investigadores é fundamental para aclarar a situación real das pesquerías e establecer as medidas técnicas máis eficaces e adecuadas para unha sostenibilidade dos recursos e socioeconómica.
Esta acción de programa experimental está incluída no Plan de Produción e Comercialización de OPP LUGO, dentro do obxectivo da redución do impacto medioambiental da pesca, en particular a través de medidas para mellorar a selectividade das artes de pesca.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
