Lugo, 21 de xullo 2021. A asociación de gandeiros e gandeiras Agromuralla califica de “crítica” a situación pola que atravesan a maioría das explotacións leiteiras galegas debido á “suba desproporcionada” que nos últimos meses se está a producir en insumos básicos como o penso para a alimentación do gando ou o recibo da luz e esixe ás Administracións “que adopten as medidas necesarias para garantir a viabilidade e continuidade dun sector estratéxico para o conxunto de Galicia”.
O presidente de Agromuralla, Roberto López, denunciou o “pasotismo” tanto da Xunta como do Ministerio diante da situación das ganderías, que na actualidade, e cos prezos que pagan as industrias, non cubren os custos de produción. “Os gandeiros estamos perdendo cartos todos os meses, tirando de aforros para seguir adiante, pero se a situación non cambia moitas explotacións veranse obrigadas a pechar, despois de ter feito importantes investimentos nos últimos anos”, asegura.
Por iso, urxe a que “dunha vez por todas” tanto a Xunta como o Ministerio “interveñan” para que o prezo que cobran os produtores sexa “xusto” e permita “vivir con dignidade no rural”. “Galicia non se pode permitir que cada día siga pechando unha explotación de leite”, asegura Roberto López, que teme que o ritmo de abandonos poida incrementarse de aquí a final de ano se a situación non cambia, “arrastrando consigo toda unha actividade económica complementaria, porque as ganderías de leite somos o motor do rural galego”, defende.
Subas nos pensos e o recibo da luz
No último ano os custos das explotacións disparáronse como consecuencia do forte encarecemento dos pensos e outros insumos para alimentación do gando, que subiron máis dun 30%, así como os abonos e os plásticos dos silos. A isto sumouse o encarecemento do recibo da luz, a raíz do cambio tarifario aplicado o pasado mes de xuño, que fixo subir a factura eléctrica das explotacións. A modo de exemplo, o presidente de Agromuralla indicou que unha granxa cun robot de muxido está a pagar agora 200 euros máis ao mes que antes da introdución dos tramos horarios.
Todas estas subas están a afectar á rendibilidade das explotacións e a facer que non se cumpra a legalidade vixente, xa que a Lei da Cadea Alimentaria, logo da súa última modificación, establece que os prezos que cobran os produtores primarios polos seus produtos deben cubrir obrigatoriamente os seus custos de produción. “É intolerable que aquí se estea a imcumprir a normativa legal e non pase nada e que as Administracións públicas, que son as garantes de que a Lei se cumpra, miren para outro lado”, insiste Agromuralla.
Renovación de contratos en agosto
A maioría dos contratos lácteos entre gandeiros e industrias renóvanse ben no mes de marzo, ben no mes de agosto, polo que o mes que vén tocaría facelo a un bo número de explotacións. “Están a chegar propostas de contratos ás granxas que incumpren claramente a Lei da Cadea Alimentaria”, asegura Roberto López, que pon como exemplo os contratos que ofrece algunha industria cun prezo de 29,5 céntimos.
“O estudo de custos que acaba de aprobar o Ministerio establece os custos de produción das explotacións entre os 32 e os 38 céntimos, cunha media de 35 céntimos, polo que ofertas que cheguen por baixo desas cantidades son claramente ilegais”, denuncia Agromuralla. A asociación de gandeiros afirma que “as políticas das industrias seguen sendo as mesmas de sempre, de coaccións e presións para que os gandeiros asinen, pero os produtores seguimos sen ter capacidade real de negociación”.
Estudo de custos irreal
Finalmente, Agromuralla acusa ao Ministerio de Agricultura de crear “confusión” no sector cun “estudo de custos irreal que crea moita incertidume e obriga na práctica a facer un análise personalizado de cada unha das granxas para establecer a cifra individualizada dos custos de produción”. “O Ministerio modificou o cálculo inicial e introduciu a media dos anos 2018 e 2019, no que as materias primas de alimentación do gando estaban máis baixas, para distorsionar o estudo, que non se axusta á realidade nin ten en conta a suba actual dos pensos”, indica Roberto López.
“Temos un ministro de Agricultura que sucumbiu ás presións da industria e das cadeas de distribución e que modificou ao seu antollo o estudo de custos oficial para maquillalo en favor da distribución e sen actuar en defensa dos produtores”, denuncia Agromuralla, que non descarta mobilizacións como as que se están a organizar noutras comunidades, como é o caso de Andalucía. “É bastante sorprendente que aquí en Galicia ninguén diga nada e estea todo o mundo calado cando estamos cobrando o leite dous céntimos por baixo da media do resto de España”, asegura Roberto López.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
