Lugo, 27 de xullo de 2021. O BNG reiterou no pleno provincial a demanda “de medidas de reforzo da atención primaria” para paliar “a sobrecarga de traballo dos profesionais sanitarios” e “o incremento das listas de agarda” nos centros de saúde, que se están a intensificar a raíz da pandemia tras máis dunha década de recortes do goberno de Feijoo.
A demanda recóllese na proposta presentada polo goberno provincial ao Pleno, aprobada malia os votos en contra do Partido Popular. No debate da iniciativa, a deputada nacionalista e vicepresidenta da Deputación de Lugo, Maite Ferreiro, urxiu á Xunta de Galiza a “investir máis no sistema sanitario público” e atender as reclamacións de reforzo por parte do persoal sanitario, “abandonado” polo goberno galego durante a pandemia e que agora “ten que facer fronte á ao incremento da demanda asistencial provocada polas pegadas da pandemia na saúde das persoas e polo incremento dos contaxios”.
A vicepresidenta botoulle en cara ao Partido Popular a “precariedade na que está instalada a sanidade pública desde a chegada de Feixóo ao goberno” e lembrou que “máis da metade dos profesionais que rematan o MIR rexeitan traballar no Sergas” porque se ofrecen condicións “denigrantes” con contratacións por “dias ou mesmo por horas”.
Maite Ferreiro reiterou a preocupación do BNG polas “dificultades” que unha parte da poboación, sobre todo a de máis idade, ten para o acceso á atención primaria a través da citación e a atención telefónica.
Ademais, manifestou o apoio do BNG ás concentracións que se están a realizar nas últimas semanas nos concellos da Mariña, convocadas pola Plataforma na Defensa da Sanidade Pública da Mariña, e que continuarán este xoves en Ribadeo.
Moción na defensa dunha PAC que recoñeza a “realidade do rural galego”
En plena negociación do plan estratéxico que rexera o reparto dos fondos da PAC en cada Estado, o BNG instou á corporación provincial a demandar á Xunta de Galiza e ao Ministerio de Agricultura a “acadar unha PAC que recoñeza a realidade do rural galego para o período 2023-2027”.
Na proposta, aprobada cos votos a favor do PSdG e a abstención do PPdeG, a formación nacionalista fai fincapé na necesidade de “recoñecer a totalidade da superficie pastoreada como admisible no caso dos pastos arbustivos e baixo arboredo” e introducir criterios que favorezan as “prácticas de gandeiría extensiva compatibles coa coexistencia co lobo e co oso”. Tamén avoga por unha distribución dos fondos que “apoie ás persoas produtoras” e “recoñeza o papel vital das mulleres no agro e no rural”.
Rehabilitación integral da Casona do Incio
Por outra banda, o BNG reiterou o seu compromiso coa conservación da Casona do Incio a través dunha emenda que compromete ao goberno provincial “a realizar traballos de consolidacion e mantemento que garantan a integridade estrutural do edificio” e a rehabilitación integral sempre que se deseñe “un proxecto de uso que teña en conta a utilidade pública do edificio”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
