Lugo, 26 de xullo de 2021. Os senadores lucenses do Partido Popular -José Manuel Barreiro, Rosa Arza e Manuel Varela- instan ao Goberno a “solucionar o agravio que sufre a provincia de Lugo en canto á falta de conexión con Madrid vía ferroviaria, evitando esperas innecesarias e a compra de billetes por separado”. Así mesmo, piden “axustar os horarios das liñas ferroviarias que sexan pertinentes para conectar mellor a provincia de Lugo con Madrid”.
A iniciativa dos populares ante a Comisión de Transportes, Movilidad y Agenda Urbana sobre a recuperación dos trens de larga distancia que antes da pandemia conectaban Galicia con Cataluña, País Vasco e Madrid “é unha necesidade que non só viñemos reivindicando os veciños e o Partido Popular, senón que tamén agora o comité de empresa de Renfe en Lugo leva reclamando durante este mes de xullo a intensificación da conectividade con Madrid á compañía; ademais de recuperar os trens perdidos co País Vasco e Cataluña”.
Sen enlace directo con Madrid dende Monforte nin Lugo
Os populares sinalan que “os propios traballadores denuncian que unha parte importante dos trens que cobren a liña con Madrid non teñen posibilidade de enlace con Monforte de Lemos nin coa cidade de Lugo, impedindo a miles de cidadáns viaxar de maneira directa á capital de España”. É máis, “mentres que pola estación de Ourense circulan cada día doce trens que cobren a liña Galicia-Madrid -seis en cada dirección-, os viaxeiros da provincia de Lugo só teñen a posibilidade de conseguir enlaces con dous deses trens”, lamentan.
“O resto de liñas que cobren este itinerario e que si pasan pola provincia de Lugo obrigan aos cidadáns a asumir largas esperas e incluso a adquirir os billetes por separado, o que supón un grave prexuízo para os usuarios e un agravio para a provincia, que pode ver incluso prexudicado o sector turístico; xa que moitos viaxeiros se decantarán por outros destinos ante a imposibilidade de viaxar comodamente e sen acusar largas esperas”.
Os populares lucenses no Senado inciden en que “o comité de empresa de Renfe en Lugo desminte o argumento da falta de usuarios que o Ministerio deu dende o confinamento da pasada primavera para non restablecer as liñas ao asegurar que os trens entre Galicia e Madrid circulan cheos e, polo tanto, hai demanda”.
Propostas do comité de empresa de Renfe en Lugo
Unha das opcións que o comité de empresa de Renfe en Lugo propuxo á compañía un lixeiro axuste dun cuarto de hora na saída do tren de media distancia que cubre a diario o traxecto entre Ponferrada e Vigo a través de Monforte pois “permitiría aos viaxeiros de Monforte chegar a tomar o enlace con Madrid”; xa que “o tren de media distancia Ponferrada-Vigo chega a Monforte de Lemos uns minutos máis tarde de que o Alvia que vén de Santiago de Compostela saia rumbo a Madrid”.
“A pesar de que este pequeno cambio de horario é unha das solucións posibles; o problema fundamental é o agravio que sofren os lucenses ante a falta de liñas ferroviarias que os conecten adecuadamente con Madrid e que o Goberno central debe solucionar á maior brevidade”, insisten.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
