Acabamos de vivir unha situación excepcional no noso concello coa participación de Adrián Ben nos Xogos Olímpicos Tokio 2021, logrando ser o quinto atleta do planeta nun 800m. Ante un evento tan extraordinario e que supuxo un grande esforzo para o noso deportista local, desde o BNG apoiamos outorgar o título de fillo predilecto de Viveiro a Adrián Ben Montenegro, mais preguntámonos se isto é todo o que pode facer o Concello de Viveiro.
O mellor mediofondista da historia de Galiza (e ao mellor quédome curta), tivo que desprazarse a Lugo 2 días a semana durante anos para poder adestrar ante a inexistencia de instalacións en Viveiro. Desperdiciouse unha oportunidade única de apoiar aos deportistas locais, de fomentar o deporte ou de impulsar escolas de atletismo para as nosas crianzas. A “tendencia Adrián Ben” medrou como a escuma facendo que os nosos nenos e nenas visen nun atleta o seu reflexo, algo que até o de agora só pasaba co fútbol.
Concellos da Mariña xa comezaron a realizar trámites para a creación de pistas de atletismo, mais en Viveiro dende o ano 2013 no que se investiron 110.000 € do fondo de compensación ambiental para a creación da base dunhas “futuras” pistas de atletismo, nada máis se ten feito. Mentres tanto polo de agora só se utiliza este espazo con outros fins ben distintos.
Os parabéns e actos protocolarios de salón están moi ben, pero a verdadeira homenaxe sería que se atendese á súa demanda de conquerir unhas instalacións axeitadas e dignas que permitisen adestrar e practicar o atletismo á veciñanza de Viveiro e da comarca.
E ante esta situación hai unha pregunta que sobrevoa a veciñanza de Viveiro: que fixo nestes oito anos o equipo de goberno de María Loureiro para conquerir a construcción das pistas de atletismo nas inmediacións de Lavandeiras?
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
