Ribadeo, 25 de agosto de 2021. As obras da estrada da Estación rematarán a mediados do vindeiro mes de setembro. Estes días trabállase no aglomerado da calzada. As tarefas foron supervisadas polo alcalde en funcións, Pablo Vizoso, e os concelleiros de Obras, Medio Ambiente e Cultura, Mónica Freire, Jorge Díaz e Pilar Otero.
O rexedor declarou que “achegámonos ás obras que se están acometendo na rúa da Estación e puidemos comprobar cómo avanzan a moi bo ritmo. Actualmente xa se están realizando os traballos de asfaltado e agárdase que poda ser aberta a mediados de setembro”.
Para Pablo Vizoso “esta obra supón unha mellora importantísima e unha verdadeira transformación desta zona gañando en accesibilidade e en seguridade, tendo en conta que se trata dunha vía moi empregada polo transporte pesado. Amplíase a anchura da vía, constrúense beirarrúas, novas luminarias, de xeito que a rúa resultante nada terá que ver coas súas condicións anteriores”.
E subliñou que “se trata dunha inversión que rolda os 360.000 euros, dos que a maior parte son financiados pola Deputación de Lugo, a través da Área de Medio Rural, mediante un convenio asinado co Concello e o resto, uns 80.000 euros, asúmeos directamente o Concello de Ribadeo dos seus fondos propios”.
O alcalde en funcións indicou que “a esta rúa da Estación tamén se accede dende a estrada de Vilela, que tamén proximamente será obxecto dunha importantísima mellora co cal todo este núcleo, toda esta zona experimentará un notable avance grazas ao compromiso e á decidida colaboración entre o Concello de Ribadeo e a Deputación de Lugo”.
A concelleira de Obras, Mónica Freire, explicou que “unha vez feitas as labores iniciais de desmonte para ampliar o ancho do viario, que duplicaron a anchura da vía ata un total de 10 metros, a e execución dos muros por un lado e a beirarrúa polo outro, estes días estanse a realizar os traballos de aglomerado da calzada, traballos que quedarán rematados esta semana. Estes días estívose a traballar na colocación da nova iluminación led, que incluirá puntos de luz extra nos pasos de peóns, para aumentar a seguridade da vía, e rematando as beirarrúas”.
A edil nacionalista dixo que “ quedarán para as vindeiras semanas os traballos de dotación de novo mobiliario urbano con bancos de madeira e papeleiras de aceiro inoxidable e a colocación de árbores nunha das marxes da estrada con titores de madeira, dispostos sobre alcorques, xunto co remate na sinalización tanto horizontal como vertical”.
Freire manifestou que “a mellora desta rúa da Estación, os traballos realizados durante o pasado ano na estrada de Ove e o anuncio da Deputación de Lugo do inicio da licitación da mellora da estrada de Vilela van cambiar radicalmente esta zona da vila e, ao mesmo tempo, a accesibilidade sobre todo das parroquias do interior que queiran saír con transporte pesado cara á autovía ou ás vías de comunicación máis importantes de Ribadeo”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
