Viveiro, 24 de agosto, 2021. Dende hai uns anos no concello de Viveiro o interese polo surf e skate aumentou de forma exponencial, dous deportes que van da man e que xa son referentes para a xuventude, desde os 6-7 anos até idades adultas chegando en época estival a concentrar perto de cen crianzas por día para desfrutar e aprender nas numerosas e marabillosas praias que nos rodean, sendo as praias da Mariña moi ben valoradas para a práctica do surf.
Tamén na comarca contamos con algunha instalación para a práctica do skate como as de Cervo e Foz. 0 Skate Park de Cervo ten unha gran acollida desde a súa construción onde moitas viveirensas e viveirenses se desprazan a diario até ali, mais non pasa o mesmo co de Foz, pois segundo as persoas expertas non conta coa calidade idónea, sendo un factor importante que a construción desta infraestrutura sexa dirixida por especialistas nestas construccións. A destacar o pouquísimo mantemento destas infraestruturas e que, ben construidas, durarán décadas.
No caso concreto de Viveiro, foi no ano 2017 cando un grupo de nais e pais, xunto coa colaboración de escolas e varios comercios de Viveiro, promoveron a construcción dun Skate Park na nosa vila chegando a recoller perto de 1.200 sinaturas que avalaban o anteproxecto presentado. Incluso promoveuse un encontro entre o Concello e a empresa vasca ZUT, especialista neste tipo de construccións. Dito anteproxecto foi acollido con interese nun primeiro momento e incluso se chegou a comentar no seu día que se conseguira una partida presupostaria de case 40.000€, mais finalmente a alcaldía destinou os fondos a outra finalidade, setenciando ao olvido o proxecto presentado e tirando ao lixo o traballo e implicación social de moitas veciñas e veciños.
Ante o incremento da afición a este deporte, dende o propio BNG no ano 2020 propuxemos un acordo plenario para facer un estudo en relación a construcción de dito Skate Park como parte da recuperación do Parque Pernas Peón, xusto onde se atopa unha caseta cun gran burato que podía formar parte do mesmo. Esta ubicación creou controversia mais a necesidade de contar con esta instalación segue aí, ao igual que a recuperación de dito parque.
Debemos ter en consideración que en Viveiro contamos durante todo o ano con dúas escolas de surf cunha matrícula que ronda os 70—80 alumnos e alumnas e que están competindo a nivel autonómico e estatal cuns resultados máis que aceptables quedando sempre entre os 5 primeiros postos, colocando Viveiro á par de lugares con historia surfeira de toda a cornisa cantábrica.
Concluímos pois que a veciñanza de Viveiro e sobretodo a xuventude, conta con grande afición a esta modalidade deportiva mais non conta con instalacións para a súa práctica, non podendo pasar por alto a oportunidade que supón este “boom” polo surf e skate que contribúe á chegada de visitantes que buscan practicar estes deportes.
Polo anteriormente exposto, porpónse para aprobación o seguinte acordo:
ACORDO:
1. Construir un Skate Park en Viveiro, contando cunha empresa especializada para a súa construcción.
2. Considerar a demandada zona de Lodeiro para a súa ubicación.
3. Esta instalación será multidisciplinar, permitindo a práctica de varias disciplinas, como son o SurfSkate e o Skate tradicional.
4. Dentro do posible valorar que esta instalación conte cunha cuberta que posibilite ser utilizada en días de choiva.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
