Burela, 20 de agosto, 2021. Un dos grandes baluartes do Pescados Rubén Burela FS, Edu Saavedra (Narón, 1979), seguirá capitaneando a nave de Primeira en 2021-22. Coa renovación do gardameta, que volverá compartir responsabilidades co internacional polaco M. Kaluza e o novísimo Bruno, o cadro de Alberto Riquer estreará a pretempada o vindeiro luns, 23 de agosto, con 17 xogadores.
Con tres porteiros e coa continuidade de Quintela, Pazos, Renato e Nito, formalizaron a súa renovación Iago Míguez, Lucho, Pitero, Álex Diz e Renatinho, regresa Porto e recalan os peches Isma (O Parrulo FS) e Wanderson (Osasuna Magna), o ala Rikelme (Juventude AG) e o pivote Levi (Brasília Futsal).
Con nada máis e nada menos que 23 anos de experiencia en Primeira e 13 defendendo a rede laranxa, Edu volverá custodiar os paus do conxunto da Mariña, demostrando a súa gran solidez. “Estou moi feliz de continuar en Primera un ano máis; teño que darlle as grazas á directiva por seguir confiando en min. Creo que son un porteiro totalmente diferente ao que era con 20 anos; fisicamente atópome moi ben, as lesións estanme respectando, e sigo conservando a ilusión que me fai querer ser mellor en cada adestramento, en cada partido” así se amosaba o capitán laranxa.
A tan só tres días para a volta ao traballo, o 1 do Pescados Rubén Burela FS xa conta as horas: “Vai ser unha tempada difícil, coma todas; xa temos ganas de comezar a traballar co novo míster. Conservamos un bloque importante; temos uns cimentos sólidos para que as fichaxes se poidan integrar axiña. Será un Burela diferente; todos teremos que adaptarnos tamén ao fútbol sala de Riquer; teremos que traballar moi duro para chegar o mellor engrenados posible ao inicio de competición”.
Na portería volverá reinar a complicidade, por terceira campaña consecutiva, con Michal Kaluza: “Estamos demostrando que nos complementamos moi ben, a boa relación entre nós nótase na rendibilidade. Cada un loita semana a semana por gañar o posto na portería” aseguraba Edu, facendo referencia tamén á gran proxección de Bruno García.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
