Mondoñedo, 19 de agosto de 2021.- O Concello de Mondoñedo licita nos próximos días obras de mellora e acondicionamento de camiños municipais por un importe total de 247.165,98 euros.
As actuacións previstas suman un total de 24 intervencións en camiños das distintas parroquias do termo municipal mindoniense que foron incluídos polo Concello nos proxectos do Plan Marco para a mellora de camiños municipais de acceso a parcelas agrícolas e no Plan Único.
Con cargo ao Plan Marco, o Concello mindoniense mellorará os camiños de acceso a parcelas agrícolas nos núcleos de Seivane, rúa Travesa e Ferrería por un importe de 74.332,72 euros.
O goberno local ten proxectado tamén o acondicionamento de camiños con cargo ao Plan Único. No primeiro proxecto inclúense camiños das parroquias de Masma e Os Remedios que serán licitados por un importe de 48.326,60 euros; mentres que o segundo proxecto recolle o acondicionamento de camiños das parroquias de Argomoso, O Carme, Lindín, Masma, Oirán, Os Remedios, Santiago de Mondoñedo e San Vicente para os que se dirixen 105.626,79 euros.
Neste caso, as actuacións previstas inclúen o camiño de Fondoso, os acceso a Valiño, un camiño en Tronceda, a pista de acceso á igrexa de Masma, o acceso ao cemiterio municipal, un camiño en Vigo, en A Seara, en Centeás, un tramo en Oirán, dous tramos no Outeiro, un camiño no Burgo, outro no Carme, en Valiñadares, Argomoso (Cova do Rei Cintolo), dous camiños en San Vicente e dous en Lindín.
E as actuación correspondentes ao Plan Único 2020, que supoñen o acondicionamento de camiños nas parroquias de Couboeira, Masma e Argomoso; serán licitadas por importe de 18.879,87 euros. Neste caso, será acondicionado o tramo de estrada A Follente con estrada A Furada, no camiño Souto da Retorta e a estrada desde a vía provincial LU-P-3102 a Pausalido.
Mellorar os servizos e as condicións de vida dos veciños
O goberno local destaca que se trata de “numerosas actuacións” que supoñen “un investimento considerable” e que “permitirán mellorar os accesos a núcleos de poboación e parcelas de moitos veciños do noso concello”. Lembran dende o consistorio que “estas actuacións responden ao compromiso deste equipo de goberno de mellorar os servizos e as condicións de vida dos mindonienses para favorecer o desenvolvemento do seu día a día”.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
