Lugo, 28 de setembro, 2021. O BNG puxo o emprego e os dereitos laborais no centro de debate do pleno provincial ao redor do anuncio do peche de Vestas e urxiu ao Goberno do Estado “á derrogación urxente da reforma laboral para recuperar, entre outros dereitos, a necesidade de autorización administrativa previa para os ERE, que podería evitar o cesamento da actividade na factoría viveirense e o despedimento de 115 traballadores e traballadoras.
O voceiro nacionalista , Efrén Castro, incidiu en que a lexislación laboral, aprobada polo Partido Popular en 2012 e que manteñen PSOE e Podemos, puxo a alfombra vermella para un regueiro de peches de empresas e despedimentos que, só na Mariña, deixou na rúa un milleiro de persoas e ameaza agora a obreiros e obreiras de Vestas e de Alcoa.
“Con Vestas e Alcoa estase demostrando que estamos en mans das multinacionais, nin o goberno da Xunta nin o do Estado pintan nada. Con esta lexislación laboral, as empresas chegan, aproveitan os fondos públicos para engordar os seus beneficios, logo vanse e quédanos un hermo”, repasou o deputado nacionalista que falou dun “decenio negro para o emprego e a industria desde a reforma laboral”.
“Estamos dacordo en que fan falta investimentos na Mariña e un plan de reindustrialización e emprego, o BNG levao pedindo ano tras ano no Parlamento sen que se asigne nin un só euro, pero non é menos certo que o Goberno do Estado ten que cambiar a lexislación laboral para non estarmos en man de decisións de multinacionais”, explicou para argumentar a proposta, que saiu adiante cos votos de nacionalistas e socialistas.
O voceiro do BNG puxo en cuestión a eficacia da mesa de industria proposta polo conselleiro Francisco Conde e que os deputados provinciais defenderon no pleno, “ten tanta credibilidade coma Feijóo cando dixo que se gañaba as eleccións solucionaría o problema de Alcoa”, zanxou Efrén Castro.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
