A que foi a maior aspiración da nosa comarca é xa toda unha realidade grazas ao remate da primeira fase das obras de ampliación e remodelación integral do Hospital Público da Mariña lucense. Calquera que se achegue por Burela poderá observar, e facelo en primeira persoa, un hospital diferente, máis amplo, moderno e renovado, por dentro e por fóra e, o que é máis importante, con máis e mellores servizos e equipos para o coidado da nosa saúde.
Ver cumprido este compromiso supón unha satisfacción para min, no persoal, como veciño da comarca e tamén política, porque supón a materialización dun empeño que sempre defendemos no Partido Popular. Traballei moitos anos e con moito orgullo para apoiar este proxecto. E aínda que unha iniciativa desta envergadura leva o seu tempo, podo dicir con orgullo que o presidente Alberto Núñez Feijóo cumpriu a súa palabra.
Durante todos estes anos tivemos que escoitar de todo. Soportar bulos como os que daban por feito que queriamos pechar o hospital, ou desmantelalo en vez de amplialo. Houbo incluso ataques directos fronte ás persoas que defendiamos, como de feito así se ten demostrado, que finalizadas as obras contariamos cun hospital máis amplo, con máis camas, con novos servizos e máis persoal. Afortunadamente o tempo dá e quita razóns.
Pero o remate das obras de eficiencia enerxética e a finalización da primeira fase da remodelación integral, nas que se teñen investido 15 millóns de euros, non é máis que un punto e seguido. Porque no ámbito sanitario a esixencia de melloras é continua e xa están en marcha a segunda e terceiras fases. Somos esixentes e inconformistas e por isto os investimentos neste hospital continuarán e suporán outros 15 millóns de euros adicionais para impulsar unha nova reforma en máis de 8.300 metros cadrados da súa superficie e a construción dun novo edificio. Proximamente, presentarase o proxecto e iniciarase o proceso para desenvolvelo e poder licitar a obra o vindeiro ano.
A aspiración dun hospital mellor e máis amplo estivo na mente de moitas persoas. Hoxe non podo deixar de lembrar e agradecer aos seus traballadores que, co seu esforzo, fan o máis difícil, dia a día, prestando un servizo público dirixido a coidar o máis importante que ten unha persoa: a saúde. Tampouco aos distintos equipos directivos que traballaron neste proxecto, nin aos concelleiros e cargos públicos e institucionais que sempre defenderon esta iniciativa, contra vento e marea. Paga a pena preguntarse que distinta sería a batalla contra a pandemia se non dispuxéramos das melloras que tivo o noso hospital nas últimas lexislaturas.
A que foi a maior aspiración desta comarca, a ampliación do seu Hospital, é hoxe unha realidade, e podo dicir con orgullo que continuará…
Jose Manuel Balseiro Orol (Deputado do PPdeG)
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
