Chegadas a este punto, seguramente a veciñanza se pregunte como temos o matadoiro municipal pechado. Pois todo comeza en maio, cando resulta que “por sorpresa” o Concello de Viveiro é coñecedor de que a empresa que xestiona o matadoiro se da en concurso de acreedores, o que vén sendo que decide deixar a xestión porque non pode afrontar as débedas.
Pero este procedemento, non se fai á lixeira, hai que notificalo ao xulgado, e isto fíxose no mes de febreiro deste 2021 por parte do acreedor concursal.
A primeira pregunta é: non hai persoal laboral do concello que consulte o BOE, o BOP o DOG…? Como é posible que o Concello de Viveiro, sendo o matadoiro un servizo municipal externalizado, non estivera ao tanto do inminente peche e non se enterasen até 3 meses depois, en maio?
A resposta é que o concello non realizou as “labores de inspección de maneira continuada” que debera facer durante o período de vixencia do contrato, tal e como se reflexa na cláusula 6.4 do contrato, o que vén sendo que se desentenderon totalmente de fiscalizar e controlar á empresa que explotaba o matadoiro.
Seguna pregunta: Como chegamos a setembro, 4 meses despois, para resolver o contrato?
Pois porque a pesar de ter resposta do Consello Consultivo (trámite que freaba o proceso) dende o 28 de xullo, non se decideu facer un pleno extraordinario, tampouco incorporalo no pleno ordinario de agosto agardando ao de setembro. Sendo un asunto de urxencia como é, pois nada, un mes arriba ou abaixo, tanto ten…
Esta empresa, despois de 7 anos de xestión sen supervisión por parte do Concello de Viveiro, decide abandonar a instalación sen máis consecuencias.
Terceira pregunta: Como está a instalación? Fixéronse as obras de obrigada construción e mantemento segundo o contrato polas que deixaron de pagar o canon anual? Están todos os bens (máquinas, utensilios…) que pertencen á instalación municipal?
Facendo un cálculo rápido, se o canon anual é de 8.046,50€ por 7 anos que estivo a empresa, resulta un total de 56.325,5€ que o Concello deixou de ingresar se esta empresa non os invertiu en melloras na instalación.
En resumo: un conxunto de despropósitos nun mesmo procedemento: non se pode perder un inventario dunha empresa municipal, non se pode ter un traballador dunha subcontrata municipal meses sen cobrar, as revisións periódicas non se realizaron, nin a día de hoxe se pode constatar o estado da instalación.
Queda por diante unha ardúa labor de comprobación de todo este procedemento, onde estará o BNG para cotexar. Agardamos que a equipa de goberno de María Loureiro, faga o seu traballo e vele pola correcta comprobación das obrigas da empresa segundo o contrato, e de darse incumprimentos, inicie os procedementos necesarios para recuperar o que lle pertence ás arcas municipais. Tamén agardamos que nos vindeiros trámites (redaccións dos novos pregos e licitación do contrato) se actúe coa debida rigurosidade e urxencia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
