Ribadeo, a 4 de setembro de 2021. Aconcelleira delegada de Cultura no Grupo Municipal Popular de Ribadeo, Begoña Sanjurjo, asegura que “Ribadeo foi referente cultural”, pero sinala que “ese tempo pasou” e “a pandemia serviulle de desculpa perfecta ao equipo de goberno local para descansar de programar actividades culturais durante este verán na nosa vila”.
“Houbo un tempo no que Ribadeo era coñecido como a cabeceira cultural da Mariña e do Occidente asturiano, pero este verán adiantáronnos concellos veciños como Mondoñedo e Viveiro que souberon adaptarse ás circunstancias e ofrecer a veciños e visitantes múltiples actividades de distintos tipos”, explica Sanjurjo.
A popular cre, a este respecto que “un goberno ten que buscar para o seu pobo e traballar para conseguir todo o que poida, a través de múltiples vías, aproveitando tanto a axuda de institucións públicas (Deputación, Xunta…) como de organismos privados. Se hai pouca oferta é por que houbo pouco traballo de búsqueda e xestión”, critica. “Cando non se poden facer as cousas coma sempre hai que saber reinventarse”, engade.
A concelleira do PP pregúntase por que San Roque pasou sen pena nin gloria: “os Cocos non saíron porque podían darse aglomeracións; pero igual podía cortarse a rúa San Roque para que bailaran e poñer sillas por grupos de conviventes, como se fai nos concertos”, propón. “Así os pícaros e non tan pícaros podíamos velos desde as beirarrúas”.
Engade Sanjurjo que “agora saen o día 8 de setembro e non o 7 como era tradición, día no que se congregaría menos xente, se o goberno local quere escudarse na covid para evitar a programación destas actividades”.
“A Banda Municipal tampouco actuou en San Roque pero fíxoo poucos días despois”; polo que a popular tampouco entende cal era o problema para a súa actuación do 16 de agosto.
Axudas ás asociacións das parroquias
O Grupo Municipal Popular ten solicitado no Pleno do Concello que se lles dera a subvención para as festas ás asociacións de veciños das parroquias para que puideran empregar esa axuda, “unha proposta que foi rexeitada e que aos catro días foi anunciada en prensa como gran idea”, explica. Con todo, “alegrámonos de que se aproveitara” e engade que “xa tiña que saír do equipo de goberno que as agrupacións culturais da nosa vila fixeran actuacións polas distintas parroquias, incluso tendo en mente facer canteira e animar aos ribadenses do rural a participar nestas agrupacións”.
Programación infantil
Sanjurjo cre que “a rapazada tiña que ser un dos destinatarios máis importantes da programación cultural e, curiosamente, na Axenda Cultural atopamos só un concerto o 20 de xullo de Pakolas e o mesmo repetido o 7 de setembro. Parece unha oferta de 2 por 1”, deduce.
“Si que é agradable ver na mesma Axenda Cultural para setembro actividades para os colexios, unha maneira de que cheguen a máis pícaros e pícaras. Pero, no caso de ‘Ler conta moito’ igual tiña que poñer “A Xunta cos coles”e non “O Concello cos coles”; xa que é unha actividade da rede de Bibliotecas Públicas de Galicia financiada polo ente autonómico”, aclara a popular.
A concelleira do Grupo Municipal Popular conclúe dicindo que “hai que buscar, xestionar, traballar, traballar e traballar e despois de conseguir cousas hai que agradecelas a quen sexa que as faga posible”, puntualiza.
A actividade puxo o broche final ao Programa Integral de Envellecemento Activo Municipal cunha charla sobre a xestión emocional das enfermidades neurodexenerativas, impartida pola psicóloga Carmen Breijo, da Fundación Degén, quen ofreceu un espazo de reflexión, aprendizaxe e orientación. A sesión contou tamén coa presenza do concelleiro Alfredo Fernández, que destacou a importancia de crear espazos de participación, coidado e benestar para as persoas maiores. O Concello agradeceu a colaboración da Asociación de Xubilados Terramar e da Fundación Degén, así como a participación de todas as persoas asistentes.
No acto acompañará ao autor o filólogo e escritor Ramón Reimunde.
Trátase dun proxecto educativo pioneiro en Galicia que traballa a autoestima, a motivación e as intelixencias múltiples. A directora, Raquel Hermida, salienta que o programa busca fomentar o talento infantil a través de experiencias novas, traballo en equipo, creatividade e proxectos de emprendemento. A escola funcionará de 8:00 a 15:00 horas para facilitar a conciliación e ofrecerá talleres de oratoria, comunicación e intelixencia emocional, ademais de reforzo escolar, novas tecnoloxías e mecanografía. As persoas interesadas poden obter máis información no teléfono 982 58 50 98 ou no correo raquel@amarina.org.
O cambio resulta necesario porque a instalación das atraccións impide o paso dos camións de recollida por estes puntos. O contedor situado na Travesía Granxas trasladarase á avenida de Vilalba, mentres que o instalado na rúa Antonio Roca pasará á rúa Suasbarras. Ademais, o Concello reforzará a dotación de contedores no Campo da Festa e no Campo da Pascua, onde se colocarán máis unidades para atender o incremento de residuos previsto durante a celebración. Desde o Concello agradécese a comprensión á veciñanza polos cambios realizados e lémbrase a importancia de depositar os residuos nos contedores situados nas novas localizacións, co fin de facilitar o correcto funcionamento do servizo de recollida.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
