Lugo, 10 de setembro de 2021. O Presidente da Deputación de Lugo, José Tomé Roca, recibiu este venres no Pazo de San Marcos ao presidente do Pescados Rubén Burela FS, Manuel Blanco Fanego, a unha representación do corpo técnico e ás xogadoras do primeiro equipo.
As mariñás veñen de completar unha tempada impecable, na que conquistaron novamente os títulos de Súper Copa de España, Copa da Raíña e Liga 2020-2021. Xa a tempada anterior foron quen de acadar a tripla coroa, o que lles valeu para acadar o recoñecemento do Futsalplanet Awards como mellor equipo feminino do planeta 2020.
Na recepción, celebrada no Pazo de San Marcos, participaron tamén os deputados de Réxime Interior, Promoción do Territorio e Turismo, Pilar García Porto; Promoción Económica e Social, Pablo Rivera Capón; e Deportes, Efrén Castro Caloto.
“É un orgullo volver a tervos nesta casa”, asegurou o Presidente, quen quixo recibir ás tripla campioas antes do inicio da nova tempada para felicitalas polos seus logros deportivos e desexarlles novos éxitos na próxima campaña. Mañá disputan a Copa Galicia na pista do Amarelle coruñés.
José Tomé subliñou que o Burela FS “é un club modélico deportivamente, pola súa gran traxectoria, pero tamén humanamente, porque sodes un equipo unido, a directiva o corpo técnico e as xogadoras, e tamén porque promove a igualdade”, con medidas que fixeron historia como a sinatura do primeiro convenio colectivo coas xogadoras para o recoñecemento e defensa dos seus dereitos sociolaborais, un fito que a Deputación recoñeceu cun premio dotado con 25.000€. Un club, “que navega coma un barco, con bo rumbo, con boa dirección, cunhas amuras que rompen as olas con seguridade”, sinalou José Tomé, de maneira alusiva ao agasallo institucional que lle entregou ao presidente do colectivo, a peza de Sargadelos Barco Ardora II.
As xogadoras tamén recibiron da Deputación de Lugo un agasallo, o libro Talasonimia da Mariña Luguesa. Os Nomes do Mar, de Paco Rivas, en recoñecemento polo seu esforzo, compromiso e constancia e polos seus logros deportivos.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
