Riotorto, 27 de setembro de 2021. Os Alcaldes Socialistas da Pontenova, Darío Campos; Meira, Antonio de Dios; Pastoriza, Primitivo Iglesias; Pol, Lino Rodríguez e Ribeira de Piquín, Roberto Fernández amosaron hoxe o seu rexeitamento ao emprazamento da planta de transferencia de residuos en Riotorto anunciada pola Xunta. Así o dixeron, tras coñecer no día de hoxe e durante a presentación deste proxecto, cal ía ser a ubicación desta nova construción.
Os socialistas apoian as reivindicacións da veciñanza da parroquia de Aldurfe en Riotorto, que se opoñen a que se instale neste núcleo rural esta nova planta de residuos. E onde hoxe un grupo de veciños e veciñas realizou unha protesta durante a visita da conselleira de Medio Ambiente, Ángeles Vázquez, na que anunciou a licitación da construción desta planta que dará servizo aos concellos de Riotorto, A Pontenova, Meira, A Pastoriza, Pol e Ribeira de Piquín.
“Tal e como puidemos comprobar no día de hoxe os veciños opóñense a esta ubicación xa que esta demasiado preto das súas vivendas e das súas explotacións gandeiras, polo tanto dificultaría o seu traballo diario e tamén conta con peores accesos para esta planta”, advirten os rexedores socialistas. “Polo tanto botamos en falta máis diálogo cos veciños, e máis sentido común por parte da administración autonómica e o Concello de Riotorto para esta ubicación”, din.
Nesa liña os Alcaldes socialistas lembran que nestes intres xa existe un emprazamento idóneo para a ubicación da planta de residuos na Comarca. “Dende o noso punto de vista esta instalación debería construírse no Punto Limpio Serra de Meira, que xa conta con dotacións, espazo e accesos para este proxecto, e polo tanto aforrariamos en custes e non afectaría á veciñanza”, sinalan.
Aldurfe dixo hoxe alto e claro que non quere a planta de residuos
Por último o Voceiro Socialista de Riotorto, José García amosou a súa solidariedade con todos os veciños e veciñas afectadas de Aldurfe e avanzou a súa disposición para traballar e atopar unha solución a este conflito “que nace do ningueo do Alcalde cara a veciñanza e da súa nula capacidade de xestión. Non se pode gobernar de costas aos veciños e por caprichos persoais, sen informalos e sen atender as súas peticións. Aldurfe dixo hoxe alto e claro que non quere a planta de residuos alí”, dixo García.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
