Viveiro, 20 de outubro de 2021. A Xunta de Galicia inclúe no seu proxecto de orzamentos para 2022 investimentos por importe de máis de 1,2 millón de euros no porto de Celeiro, no concello lucense de Viveiro. Así o trasladou esta mañá a presidenta de Portos de Galicia, Susana Lenguas, nunha visita a esta dársena mariñá na que estivo acompañada por representantes da confraría de pescadores local e do Consistorio.
Susana Lenguas explicou que o seu departamento ten previstas tres actuacións de envergadura para Viveiro, dúas delas xa en fase moi avanzada de contratación. Trátase da renovación das envolventes -cubertas e fachadas- das naves de redes e de efectos navais de Celeiro. A estas engádese a ampliación de prazas de amarre no peirao, que sairá a licitación nos vindeiros meses.
A obra de cambio da cuberta e fachada do edificio náutico-pesqueiro -a nave de efectos navais- conta cun orzamento de 300.000 euros e atópase xa adxudicada polo que nas vindeiras semanas se asinará o contrato de execución de obra. Polo que respecta ao acondicionamento da nave de redes do peirao norte, o orzamento asignado é de 380.000 euros e está previsto que se adxudique proximamente. Esta actuación incluirá tamén tanto a habilitación de aseos no edificio como dun punto de recollida de residuos Marpol.
Portos de Galicia sacará a licitación ademais a ampliación de amarres profesionais e a mellora de prazas por un importe estimado de 560.000 euros. Estes traballos permitirán crear preto dunha vintena de novas prazas para o sector profesional nun novo pantalán así como outras oito prazas para embarcacións da sétima lista. A maiores melloraranse diversos aspectos dos pantaláns existentes como os pilotes e o pavimento e dotaranse de torres de auga e electricidade.
Mellora do alumeado
A presidenta de Portos de Galicia tamén salientou durante a súa visita que xa están en marcha as obras de mellora do alumeado no peirao norte. Trátase tanto dun reforzo da iluminación no cantil como da renovación das actuais luminarias substituíndoas por tecnoloxía LED, de menor consumo e máis eficiente. O importe desta actuación rolda os 50.000 euros.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
