Santiago de Compostela, 27 de outubro, 2021. Na interpelación do BNG á conselleira de Infraestruturas, Ethel Vázquez, o deputado, Luís Bará insistiu en “retirar o anteproxecto do Ciclo da Auga” porque supón un “novo sabrazo” para concellos e persoas usuarias e avogou por un diálogo cos axentes implicados co fin de acordar “unha Estratexia Galega da Auga” para a presente década.
Ademais, o nacionalista asegurou que esta estratexia en consonancia coa Directiva marco da Auga e coa Nova Cultura da Auga cunha unha visión integral do ciclo da auga máis alá do abastecemento, saneamento e depuración.”
Por outra parte, tamén debe conter, ao seu xuízo, coa protección e conservación dos acuíferos e masas de auga, xestión da calidade das augas, redución do consumo, eficiencia enerxética e na xestión e reutilización das augas de chuvia e depuradas.
Por unha Nova Cultura da Auga
O deputado indicou que, con carácter previo á Estratexia e a calquera proxecto de lei, deberanse levar a cabo “os Plans Xerais galegos de saneamento e abastecemento previstos na lei de augas de 2010” así como culminar os traballos do Pacto Local da Auga, iniciados en 2013.
Para o nacionalista, o anteproxecto da auga do PP prexudicará gravemente aos concellos e usuarias e usuarios e apelou a crear o Consello para o Uso Sustentábel da Auga, previsto na lei de augas de 2010 e negociar o Plan hidrolóxico Galiza Costa así como os proxectos a financiar cos fondos europeos, Next Generation de 2021-2027.
Na súa intervención tamén reclamou a transferencia a Galiza de todas as competencias en materia de augas e a xestión das bacías hidrográficas.
O goberno ameaza á alcaldesa de Tomiño por criticar o anteproxecto
Tras a intervención da conselleira Ethel Vázquez, o deputado do BNG criticou a postura enrocada do Partido popular de manter un anteproxecto lesivo para os intereses dos concellos e a cidadanía . A propia Fegamp, dixo, “cuestionou este anteproxecto” por represententar un “aumento abusivo das taxas nun 60%” segundo o informe remitido no mes de setembro coas deficiencias e tarifas do anteproxecto, un informe afirmou, “avalado polos tres partidos BNG,PSOE e PP”.
Ademais, cualifico de “inadmisible” o ataque á alcaldesa de Tomiño, Sandra González, por criticar a lei e preguntou si a consellería da que é titular Ethel Vázquez remitiu “ a mesma carta ameazante” a todos os concellos na mesma situación de Tomiño, ameazando de traspasar a depuradora no caso de non acometer as obras exixidas pola Xunta. Vostedes, pretenden obrigar aos concellos a asumir “até sete plans de obras” con investimentos que porán en risco a súa capacidade financeira.
Finalmente, o deputado do BNG cargou contra a falta de diálogo do PP e utilizar “a vía unilateral” para un anteproxecto que debe ser retirado como lles pide a propia FEGAMP. Van deixar atrás a política “de ordeno e mando” e abrir o diálogo que reclamamos? Cumprirán co Pacto Local da Auga como pediu de maneira unánime no ano 2017 este Parlamento?. A conselleira eludiu responder as cuestións formuladas polo deputado do BNG, Luís Bará.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
