Ribadeo, 19 de outubro de 2021. O voceiro do Grupo Municipal Popular, Daniel Vega, considera que “o goberno do BNG é o responsable de que o polígono de Ribadeo estea morto”.
O popular sinala que “non chega con enviar unha carta para loitar para que a empresa Altri instale en Ribadeo a súa fábrica de fibras téxtiles”. Así o manifesta o popular tralo anuncio do alcalde recordando que “dende o noso Grupo Municipal fai xa unha semana que advertíamos de que o polígono de Ribadeo conta con espazo dispoñible para o asentamento desta e doutras empresas e agardabamos que o goberno local estivese facendo xestións”.
“Agora sabemos que enviou unha carta, algo moi típico deste goberno; pero non concreta ningunha medida nin xestión”, condena o popular. A este respecto, reivindica medidas fiscais coma a rebaixa de impostos municipais (IBI, IAE…) e xestións por parte do goberno local ante a SEPES -Entidade Pública Empresarial do Solo dependente do Goberno de España- para rebaixar o prezo do solo.
Estas foron algunhas das iniciativas que os populares levan esixindo dende o comezo do mandato para favorecer o asentamento de empresas no municipio e que, incluso, reivindicaron con maior forza como medida para a reactivación do tecido económico local trala pandemia da covid-19. Esta era unha das medidas que o Grupo Municipal Popular incluía na súa proposta de plan local de reactivación para o que solicitaron un pleno extraordinario o ano pasado e que o BNG rexeitou.
“Estas son medidas concretas, o resto son contos”, censura Vega incidindo na necesidade dunha “xestión seria para que esta ou outras empresas se instalen no polígono de Ribadeo. De momento temos parcelas, temos polígono; pero industrial de momento non é”, conclúe.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
