Burela, 21 de outbro, 2021. A Organización de Produtores Pesqueiros de Lugo, en colaboración con Armadores de Burela, organizou este xoves unha xornada informativa dirixida a uns cen alumnos e alumnas de 4º ESO dos centros educativos de Burela: «Posta en valor dos Oficios do Mar».
A xornada, que tivo lugar no salón de actos de ABSA, responde ao obxectivo da organización de produtores do porto de Burela de incentivar o interese dos xoves por formar parte do futuro do sector pesqueiro.
O acto contou coa presenza do director da Escola Oficial Náutico-Pesqueira de Ferrol, Enrique Covelo, e o director do CIFP Universidade Laboral de Culleredo (A Coruña), Miguel Pena, que presentaron as opcións educativas e formativas dos seus ciclos náutico-pesqueiros, así como as instalacións dos seus respectivos centros. Ambos destacaron o interesante futuro do sector pesqueiro, animando aos xoves a velo como unha alternativa noble e na mesma igualdade de condicións que outros sectores económicos.
A continuación interviron catro patróns de altura en activo das diferentes frotas de Burela, que explicaron as súas propias experiencias na incorporación ao mar: Diego González e J.Ramón López Fernández, das frotas de arrastre, Carlos Eijo, da frota de palangre de superficie e Raúl Canoura, da frota de Gran Sol.
Cada un deles narrou aos alumnos as súas mellores e peores experiencias nas súas diferentes pesquerías, lamentando os accidentes e agradecendo traballar sempre en contacto coa naturaleza e sen ningún tipo de monotonía, xa que “cada xornada no mar é diferente a outra”.
Os profesionais do mar pidiron aos xoves que non descarten a opción marítima, un sector que hoxe en día garantiza o 100% de inserción laboral e bos salarios, unha das cuestións polas que preguntaron os alumnos. Así animaron aos menores a “estudar e traballar para ser un bo patrón de pesca, xa que así poderedes ter mellores soldos e con máis duración que os do presidente do Gobierno ou da Xunta”.
Finalmente tamén participaron tres mulleres profesionais da pesca para explicar as súas vivenzas sobre a incorporación ao sector pesqueiro. María Caldeiro, xerente de Fundamar e responsable do proxecto Redmar, do que destacou que fomenta as oportunidades das mulleres no mar.
Victoria Solar, exalumna de formación dual do ciclo medio de técnico de mantemento e control de maquinaria de buques, explicou que desexa seguir traballando no sector pesqueiro e que a súa vocación non lle ven por tradición, xa que ela é o primeiro emprego dedicado ao mar na súa familia.
Carmen Abad, armadora, mariñeira de baixura no porto de Burela e secretaria da Federación Provincial de Confrarías de Pescadores, pechou a xornada aconsellando aos xoves que se preocupen por estudar e lograr unha boa formación, asegurando que dentro do sector pesqueiro sí poderán obter un futuro profesional moi digno.
Esta acción inclúese no Plan de Produción e Comercialización anual de OPP Lugo, cofinanciada pola Xunta de Galicia e o Fondo Europeo e Marítimo da Pesca.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
