Burela, 25 de outubro, 2021. O Pescados Rubén Burela FS volverá participar no plan de patrocinio deportivo da Xunta de Galicia contra a violencia de xénero. O presidente laranxa, Manuel Blanco, interveu esta mañá na presentación da segunda edición desta iniciativa dirixida a equipos de alta competición femininos de 1º e 2º máximo nivel estatal de Galicia 2021, nun acto que contou coa presenza da conselleira de Emprego e Igualdade, María Jesús Lorenzana, acompañada do secretario xeral para o Deporte, José Ramón Lete.
O club mariñán xa foi un dos 9 beneficiados a tempada pasada na estrea do plan que este ano renova o seu compromiso con 26 entidades de diferentes modalidades deportivas, a través de deportistas que “son exemplo non só nos éxitos sobre as pistas senón tamén a través das ensinanzas sobre o verdadeiro significado do compañeirismo, esforzo, traballo e superación”, segundo explicou a conselleira, co engadido do secretario xeral sobre o “crecemento imparable do deporte feminino galego acadando que, por vez primeira, haxa máis prazas concedidas a mulleres que a homes no Centro Galego de Tecnificación Deportiva ou que o Plan de Patrocinio Publicitario dos Equipos de Alta Competición de Galicia patrocine a 102 equipos femininos, cando na súa primeira edición en 2009, eran tan só 30”.
Un Europeo que berrará NON
O club laranxa visibilizará a loita pola tolerancia, a igualdade e a non violencia no deporte e na vida como anfitrión e organizador da competición internacional Futsal Women’s European Champions entre o 2 e o 5 de decembro en Lugo, reunindo as campioas das mellores ligas europeas.
Así mesmo, desenvolverá diferentes accións divulgativas nas redes sociais e Burelafs.tv e dedicará un partido con motivo do 25 N, Día Internacional contra a Violencia de Xénero; será o 13 de novembro, coa visita de Móstoles a Vista Alegre.
Futsal, baloncesto, balonmán, fútbol, voleibol, rugby e sófbol
Xunto ao Pescados Rubén Burela, neste plan hai outros 4 equipos de fútbol sala, 7 de baloncesto, 7 de balonmán, 2 de fútbol, 2 de voleibol, 2 de rugby e 1 de sófbol.
A Coruña: Club Universitario de Ferrol (Narón), Club Maristas (A Coruña), Fundación Educación e Deporte de Santiago, Real Club Deportivo de La Coruña S.A.D., Club Viaxes Amarelle FS (A Coruña), Club de Arquitectura Técnica (A Coruña), Club Béisbol y Sófbol Cambre e Club Instituto Zalaeta da Coruña.
Lugo: Ensino Lugo Club de Baloncesto, Club Peluquería Mixta Friol, Pescados Rubén Burela Fútbol Sala e Club Emevé (Lugo).
Pontevedra: Club Deportivo Bosco (Vigo), Agrupación Deportiva Cortegada (Vilagarcía de Arousa), Club Baloncesto Arxil de Pontevedra, Club Balonmán Porriño, Club Balonmán Atlético Guardés, Asociación Deportiva Carballal (Vigo), Sociedad Atlética Redondela, Unión Balonmán Lavadores (Vigo), Club Balonmano Porriño B, Asmubal Meaño, Club Poio Fútbol Sala e Pontevedra Rugby Club.
Ourense: Ourense Club de Fútbol S.A.D. e Cidade das Burgas Fútbol Sala.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
