Este mércores, centos de persoas ateigaron as rúas de Burela en resposta á convocatoria de folga xeral. Superabamos as diferenzas políticas, sindicais, locais, para unirnos movidos por un sentimento común de inconformismo e de indignación. Unha comarca unida na protesta e nas rúas, porque nin queremos, nin nos resignamos a permanecer pasivos ante o desmantelamento da nosa industria, co consecuente risco para miles de empregos, coa consecuente incerteza sobre o futuro de moitas familias, vilas e pobos. Non permaneceremos calados cando se cuestiona a prosperidade das nosas veciñas e veciños.
A Mariña lucense berrou con contundencia. Agora toca que toda a sociedade -os políticos primeiro- actuemos en consecuencia con responsabilidade e valentía. Ser responsables significa ser conscientes do moito que hai en xogo. Admitir, sen complexos, o equivocados que estaban aqueles que negaban o impacto industrial e laboral dunha política enerxética errada e improvisada, que comezou cuestionando a continuidade da industria electrointensiva e que remata por criminalizar a enerxía eólica como opción de futuro.
Ser valentes significa ser exixentes. Para reclamar a implicación inmediata e directa de todas as administracións. Non é aceptable a pasividade, a falta de propostas ou botar balóns fóra. Reclamamos solucións efectivas a aqueles que teñen na súa man cambiar esta política enerxética como fundamento para que non se produza o peche das principais industrias da Mariña.
Ser valentes significa cumprir o prometido. Todas as forzas políticas acordamos por unanimidade no Parlamento de Galicia, no Congreso, no Senado e nos distintos concellos a favor da intervención pública temporal de Alcoa, por parte da Sepi e a favor dunha batería de iniciativas de apoio á industria altamente dependente do prezo da electricidade . Se somos capaces de poñernos de acordo nas solucións, temos a obriga que cumprilas, sen escusas, sen titubeos, sen matices.
Xa nos enganaron unha vez aquelas que firmaron o pacto de investidura de Pedro Sánchez –lembrade a foto de Ana Pontón e Adriana Lastra- prometendo solucións inmediatas que nunca chegaron. Agora hai que dar un paso máis. É hora de que o nacionalismo galego deixe a ambigüidade e estea ao carón dos traballadores. Para ser cribles o BNG ten que condicionar a continuidade dos seus pactos co PSOE, en concellos e deputación, a unha solución para Alcoa. Condicionar o apoio aos orzamentos xerais do Estado a que, como administración competente, cumpra cun estatuto electrointensivo capaz de rebaixar a factura da luz á industria. O único e verdadeiro plan industrial que precisamos é impedir o peche de Alcoa ou de Vestas.
Hai camiño para intensificar a presión política e obrigar a que A Moncloa non dea por perdida a industria da Mariña. Xa non agardo valentía por parte dos alcaldes do PSOE, que se limitan a facerse a foto pero non a petar na porta do Ministerio. Pero é máis imprescindible que nunca que, por riba das diferencias políticas, haxa unha unidade militante, proactiva, a favor da industria, do emprego e do futuro da nosa comarca. A Mariña berrou, agora toca actuar en consecuencia, con valentía.
Jose Manuel Balseiro
Deputado autonómico, voceiro e coordinador xeral do PPdeLugo
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
