Lugo, 2 de novembro de 2021. A Secretaría Xeral para o Deporte ofrece a medio millar de escolares de Lugo a posibilidade de achegarse ao piragüismo a bordo de dúas embarcacións dragóns no marco do programa de deporte escolar Xogade. A iniciativa, que se oferta este curso por primeira vez na provincia, foi inaugurada hoxe por alumnos e alumnas dos colexios Insua Bermúdez de Vilalba e Nosa Señora do Pilar de Foz.
O delegado territorial, Javier Arias, explicou que a actividade está dirixida ao alumnado de sexto de Primaria e primeiro e segundo da ESO, e participarán unha ducia de centros educativos en oito xornadas, ata o 11 de novembro. En principio están previstas ata 25 quendas, con 20 prazas en cada caso.
Esta proposta supón o primeiro achegamento ao piragüismo para a maioría dos nenos e nenas, que se converten nos padexeiros destes barcos dragóns coa axuda de dous monitores, un deles ao timón e outro marcando o ritmo cun tambor. As embarcacións son moi estables e de fácil aprendizaxe e as prácticas realízanse nun tramo do río Miño.
Mañá mércores tocaralles o turno aos alumnos do IES de Quiroga, e nos días posteriores está prevista a participación do CEIP Rosalía de Castro de Lugo, Colexio Plurilingüe Franciscanos, de Lugo; CPR Martínez Otero, de Foz, CPR Maristas, de Lugo; CEIP Santa Rita, de Viveiro; CEIP Fondo Nois, de Foz; CPR La Merced, de Sarria; CEIP López Suárez, do Saviñao; e CPR Ferroviario, de Monforte de Lemos.
Arias subliñou a importancia de “amosar aos rapaces e rapazas distintas disciplinas deportivas para que adquiran o hábito do exercicio físico e rutinas saudables dende idades temperás”. Ao respecto, indicou que o programa Xogade “involucra a milleiros de escolares” en modalidades como o fútbol sala, atletismo, campo a través, orientación, voleibol ou xadrez, entre outras.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
