Cervo, 9 de novembro de 2021. A Consellería de Emprego e Igualdade vén de clausurar o obradoiro de emprego Sendas de Burela, Cervo e Xove VII coa entrega de diplomas aos participantes. O delegado territorial da Xunta en Lugo, Javier Arias, explicou que esta iniciativa ten continuidade nunha nova edición que xa está en marcha dende hai tres semanas. Entre ambas, apuntou, suman un investimento de 693.900 euros e ofrecen formación a 40 traballadores desempregados.
Arias participou no acto de clausura xunto cos alcaldes dos concellos promotores: Alfonso Villares (Cervo), Alfredo Llano (Burela) e Demetrio Salgueiro (Xove). Os 20 alumnos traballadores recibiron os certificados de profesionalidade que os acredita para exercer a especialidade elixida; neste caso, 14 formáronse na modalidade de Actividades auxiliares en viveiros, xardíns e centros de xardinería, e outros seis na de Operacións auxiliares de revestimentos continuos en construción.
Ao tempo que recibían formación teórica e práctica, os participantes traballaron realizando obras e servizos nos municipios promotores. Así, en Cervo ocupáronse do mantemento e mellora de parques como o das Lobeiras ou o Reina Sofía de San Cibrao, e tamén do axardinamento de rotondas e áreas verdes en xeral. Ademais, ocupáronse da limpeza e rexeneración do bosque autóctono da zona forestal verde do polígono industrial de Cuíña.
Tamén en Burela traballaron na restauración ambiental da cunca dos regatos de río da Vila (Pomeda) e das Pasadiñas e o acondicionamento de zonas verdes como o parque Rosalía de Castro, a área recreativa do Cantiño e o paseo marítimo.
Pola súa banda, en Xove realizaron obras de mantemento e mellora de instalacións municipais, como o pavillón de deportes, biblioteca, salón de actos, oficinas municipais e a piscina. Tamén nos depósitos municipais de auga situados nos núcleos de Xove, Palmeiro, O Cruceiro, A Rigueira e Monte; en fontes e lavadoiros públicos, e en distintos elementos de mobiliario urbano, entre outros.
A oitava edición do obradoiro supón novas oportunidades laborais para outras 20 persoas sen emprego destes municipios así como continuar cos labores de mellora dos espazos públicos.
En marcha os novos proxectos
No conxunto da Mariña arrancaron cinco novos obradoiros duais o 15 de outubro, nos que participan 13 concellos da comarca e que formarán a 100 persoas en total. O investimento conxunto ascende a 1,7 millóns de euros.
Xunto ao citado Sendas de Burela, Cervo e Xove VIII, deron inicio Serra da Cadeira VI, impulsado por Trabada con Lourenzá e Barreiros; Terras do Sor V, promovido por Ourol co Vicedo e Muras; Terras do Ouro 2021, que agrupa a Foz, Alfoz e O Valadouro; e Ribadeo prepara o teu Camiño, un taller individual.
Ademais, A Pontenova participa coa Fonsagrada e Negueira de Muñiz no taller de emprego Madeira de futuro.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
