Barreiros, 16 de novembro de 2021. O Concello de Barreiros vén de asinar nesta mañá un convenio de cooperación coa área de Medio Rural da Deputación de Lugo que dirixe Mónica Freire para a renovación da traída de auga potable no tramo desde San Cosme aos barrios de Vilar e Áspera.
O proxecto está valorado en 82.823,02 euros; dos que a Deputación aporta 78.681,87 euros e o Concello os 4.141,15 euros restantes. Con estas obras quedaría renovada a tubaxe principal de abastecemento cara á zona norte, subsanando as deficiencias que se deron durante moitos anos na zona comprendida entre o centro de San Cosme e os barrios de Vilar e Áspera.
A alcaldesa de Barreiros, Ana Ermida, explica que “o abastecemento existente na actualidade desde o núcleo de San Cosme atópase en dous estados diferentes. Un primeiro tramo que está executado en precario desde hai máis de catro anos, con unha tubaxe ao aire libre que discorre por San Cosme e que non cumpre cos mínimos urbanísticos nin de saúde pública; xa que se trata dun material plástico exposto ás inclemencias meteorolóxicas e polo tanto, ás modificacións que poida sufrir o material polo que discorre a auga potable como consecuencia dos cambios de temperaturas. Un segundo tramo, discorre por tubaxe antiga de fibrocemento que está sometida a continuos cambio de presión en función do consumo e que xera constantes problemas de rupturas e avarías que inciden na calidade do subministro de auga que chega a fogares e explotacións existentes.”
Investimentos no abastecemento de auga.
Deste xeito, quedaría renovada unha das zonas máis problemáticas no que se refire ao abastecemento de auga; sumándose a outras actuacións levadas a cabo noutras zonas, como a mellora no sistema de bombeo da Rilleira que se está a levar a cabo nestes días e que dá servizo a boa parte da zona interior.
O goberno municipal manifestou que “a execución destes traballos decidiuse en base á priorización das necesidades e entendendo que o servizo de auga potable é fundamental para a poboación.”
Neste sentido, sinalan que os investimentos son continuos e que se ten avanzado moito neste aspecto, aínda que a antigüidade das instalacións e o estado das mesmas seguirá requirindo traballar neste eido. “Son investimentos que moitas veces non se ven e que custa que se valoren, mais que entendemos fundamentais para ter uns servizos de calidade e por iso insistimos en realizalos fronte a outros que podían quedar máis vistosos, pero que non resolverían os problemas existentes”, aseguran.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
