Burela, 4 de novembro, 2021. O Concello de Burela está presente desde onte en Xantar, en Ourense, onde mañá Alfredo Llano intervirá nun acto nese evento no que realizará unha defensa do sector náutico pesqueiro “para que se valore e se defenda en condicións”. En Xantar, mañá venres, terá lugar tamén unha degustación de bonito.
O rexedor dixo que “acudiremos este ano como víñamos facendo sempre á feira Xantar, en Expourense. Mañá temos un acto oficial organizado pola dirección do evento, onde faremos unha intervención para poñer en valor todo aquilo que nos parece interesante en cuestións gastronómicas. Nosoutros imos levar produtos do mar”.
Alfredo Llano subliñou que “o que queremos, a través desta feira, é facer unha demostración, con diversas receitas, de como se prepara o peixe. Tamén queremos facer unha defensa total do sector náutico pesqueiro. Cremos que agora mesmo debemos estar aí todos empuxando para que este sector no noso concello, na Mariña e en Galicia sexa valorado e realmente defendido. Penso que actualmente hai unha certa crise e polo tanto debemos traballar todos para fortalecer e garantir esta actividade dunha forma constante, porque creo que somos un exemplo claro de como se pesca, de que a sostibilidade é unha constante nos nosos pescadores, de que respectamos a especie, o transporte e a calidade, e iso hai que valoralo e telo moi en conta”.
O alcalde burelés indicou que “en Burela se están subastando máis de cen especies diarias. É certo que somos moi recoñecidos pola pescada e polo bonito do norte, mañá faremos unha degustación deste túnido, pero realmente o que importa é manter a actividade polas cuestións socioeconómicas e culturais que se deriva disto. Así que, por un lado, faremos promoción do noso concello en todos os ámbitos, no gastronómico tamén, pero sobre todo faremos defensa do noso sector náutico pesqueiro, que penso que hai que telo en conta para todo. Será unha das nosas intervencións. Ademais faremos unha degustación e queremos colaborar nesa diversidade alimentaria que se vai ver nesta feira e que todo o mundo saiba o que se pode ofrecer en Galicia, sobre todo na comarca da Mariña e tamén en Burela concretamente”.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
