Santiago de Compostela, 24 de novembro 2021. O deputado mariñán do BNG Daniel Castro acusou ao PP no Parlamento galego de alcanzar a “apoteótica hipocrisía na mesma mañá de hoxe”, ao votar en contra da intervención temporal de Alcoa que defendeu a fronte nacionalista no Congreso.
“Falábase hoxe aquí do ‘jetómetro’; vostedes hoxe romperon todos os niveis”, reprochou nunha pregunta parlamentaria sobre a negativa do Goberno galego a desenvolver un plan de industrialización para A Mariña, para a continuación recalcar que esa é a grande diferenza entre o PP de Núñez Feixóo, co seu Galiza, Galiza, Galiza e o BNG: “que nós sempre imos votar o mesmo, sexa en Cervo, sexa en Lugo, sexa en Santiago ou na Cochinchina e vostedes ven condicionado o seu voto polo que lles din dende Génova ou polo que lles din dende esas misas filofascistas ás que tanto acoden”.
Ante a nova negativa do PP na Cámara a desenvolver un plan de industrialización na comarca e as evasivas do vicepresidente segundo e conselleiro de Economía, Francisco Conde, botando unha vez máis balóns fóra e tentando trasladar a responsabilidade ao BNG, Castro fixo o que denominou como “un pouco de hemeroteca”: “quen privatizou a factoría no 1997 foi o PP, pero non é culpa del; quen vota en contra de formar parte desa intervención pública por parte da Xunta foi o PP, pero tampouco é culpa del; quen creou o marco enerxético en 1996 e que o reformou en 2013 dando aínda máis inestabilidade foi o PP, pero tampouco é culpa del”, replicou con severidade.
Castro continuou enumerando as múltiples ocasións que o PP tivo para facilitar solucións á crise da Mariña advertindo que “vostedes levan máis de tres décadas gobernando este país, pero tampouco ten nada que ver; estiveron anos e anos gobernando no Estado, pero tampouco ten nada que ver; os que votan unha e outra vez en contra dun plan industrial, pero tampouco ten nada que ver” e recordando ao vicepresidente segundo que foi o seu partido quen creou a reforma laboral “e igual axudaría algo que o ERE de Vestas fora ilegal para poder paralo, pero vese que tampouco ten nada que ver”.
O deputado nacionalista recordou na súa primeira intervención que hai xusto unha semana asistíamos a dous actos memorables, pero cunha grande diferenza entre ambos: “un era a mostra da dignidade do pobo, do fartazgo dunha comarca que non aguanta máis o incumprimento das promesas do goberno estatal e da Xunta; e outro, “Un Partido Popular que lle deu un novo nivel á palabra hipocrisía porque mentres negaba o dereito a folga a moitos cidadáns, acudía en masa a facer acto de presenza en Burela, aínda que tardou menos de 6 horas en pasar de apoiar aos e ás mariñáns a votar en contra do que os mesmos mariñáns levan reclamando desde hai máis de ano e medio”.
Segundo recalcou, nesta disxuntiva entre o digno e o indigno, atopámonos xa a 24 de novembro “cunha Xunta que segue de perfil, cunha Xunta que nada ten que ver cos problemas que afectan ao País que goberna e que segue sen darse conta de que o problema non é só Alcoa e Vestas, que o problema son os máis de 1.000 empregos en materia de industria que se perderon co goberno Feixóo”.
“Por que non levan adiante un Plan de Industrialización e Emprego para A Mariña? Porque prefiren que sigan gobernando as empresas e non vostedes?”, cuestionou con severidade para a continuación afear ao PP que sexa “a Galiza gris, a Galiza en pequeno, que di que o seu Goberno non pode facer nada” e concluír reafirmando o compromiso do BNG cunha “Galiza grande e con poder, na que o seu Goberno mande máis que calquera empresa, xa sexa en en Pittsburgh, en Dinamarca ou en calquera parte do mundo”.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
