Santiago de Compostela, 18 de novembro 2021. A portavoz nacionalista de Sanidade, Montserrat Prado, reclamou á Xunta no Parlamento galego que “escoite o clamor social que está aí fóra” e rectifique a súa política sanitaria, “que xa non avala ninguén”, adoptando as medidas que precisa o sistema sanitario público galego e en especial a Atención Primaria.
Diante da comparecencia a petición propia na Cámara da directora xeral de Planificación e Reforma Sanitaria para abordar reformas na Atención Primaria, á que acusou de repetir o mesmo que xa dixo o conselleiro de Sanidade, “sen facer ningunha aportación nova”, Prado instou ao Goberno do PP a saír da súa “autocomplacencia” e deixar de dicir que están tomando medidas “que é evidente que non van na boa dirección porque non se están resolvendo ningún dos problemas que ten a Atención Primaria”.
“Se vostedes din que están facendo cousas e non se resolve ningún problema, será que non están adoptando as medidas adecuadas, será que non están facendo o que hai que facer”, reprochou, para a continuación recalcar, en alusión á multitudinaria mobilización do pasado domingo en defensa da sanidade pública, que o que se está pedindo, por exemplo, “é que se garanta a presencialidade na Atención Primaria, que non está garantida”.
“Vostedes persisten en agocharse detrás das porcentaxes de presencialidade pero a pregunta é se todas as persoas que precisan atención presencial a están recibindo en tempo e forma”, cuestionou con severidade para subliñar a continuación que “esta é a pregunta que teñen que contestar vostedes; non se a están recibindo o 20, o 30, o 40 ou o 60%, senón se todas as persoas que precisan atención presencial a reciben en tempo e forma. Isto é o que se está reclamando”.
De igual xeito, instou ao Goberno do PP a incrementar o orzamento, “porque con menos orzamento non é posible acometer os grandes retos da Atención Primaria e o orzamento de 2022 é inferior ao de 2021 e é inferior ao de 2009”, reprobou. “Capacidade de planificar da Atención Primaria, capacidade resolutiva, rematar coa precariedade laboral e, dende logo, máis profesionais, son medidas concretas que é o que lles vén demandando todo o mundo”, incidiu.
Neste contexto, recordou as propostas e alternativas que o grupo parlamentar do BNG leva anos presentando neste sentido “topándonos co muro do PP votando en contra e cos oídos xordos do Goberno do PP que non quere escoitar” e aclarou á directora xeral que o Bloque non acusa ao Executivo de Núñez Feixóo de non facer nada -“igual quietos, a cousa non estaba tan mal”, censurou-, senón de “estar actuando decididamente para crear o escenario necesario onde a sanidade privada poida medrar. “Ese é o gran problema, que o PP si traballa denodadamente, pero non para sacar á sanidade pública e á Atención Primaria do pozo no que está, senón para que ese deterioro sexa máis e máis potente e cada vez máis e máis persoas, diante desa desatención, acuda á sanidade privada. Esa é a súa folla de ruta”, recriminou.
No que respecta ás e aos profesionais, acusou ao Goberno do PP de realizar anuncios sen ningunha credibilidade “porque se negan a que haxa transparencia de cal é a situación do persoal no sistema de saúde público, en xeral, e da Atención Primaria, en particular”, afeándolle á directora xeral que siga sen poñer en marcha o dispositivo de identificación das prazas do persoal que comprometera na súa primeira comparecencia ante o Parlamento galego.
Durante a súa intervención, a deputada nacionalista insistiu en que o pasado domingo miles e miles de galegos e galegas, xunto a centos de profesionais, se manifestaron para reclamar unha “rectificación” das políticas sanitarias do Goberno de Núñez Feixóo e medidas concretas “para salvar a Atención Primaria” e advertiu que os tribunais tamén están a cuestionar estas políticas, logo da sentenza sobre o caso do triste falecemento de Xosé Manuel Rey que, segundo o xulgado, “foi unha morte que se puido ter evitado, porque se coñecía o problema da non existencia de profesionais e a Xunta, a Consellería de Sanidade, o Sergas, non tomou as medidas necesarias”.
Unha nova manobra de distracción do PP no Parlamento: máis anuncios e máis fume
E diante deste clamor da sociedade, das e dos profesionais, dos xulgados, “vén vostede hoxe aquí a facer unha manobra de distracción máis”, reprochou á directora xeral á que cuestionou tamén que comparecera na Cámara para informar sobre o desenvolvemento das reformas previstas no documento estratéxico “Por unha atención vertebradora do sistema de saúde” que no propio título da comparecencia figura como “debatido no Consello Técnico de Atención Primaria”, “cando isto non responde á realidade”.
Prado explicou neste sentido que non só é que dito documento, elaborado por profesionais e consultoras externas de fóra de Galiza sen atender ao traballo que xa levaban avanzado xs máis de 200 profesionais e 15 comisións técnicas que integran o Consello Técnico, fora debatido con este, “senón que o Consello Técnico se ten posicionado en contra deste documento”. ““Estanlle faltando ao respecto a eses máis de 200 profesionais que levan máis de dous anos traballando desinteresadamente en achegar alternativas, na elaboración de carteiras de servizo e que vostedes teñen paralizadas sistematicamente e que non dan aprobado, nin achegado conclusións, nin nada de nada”, criticou.
Neste sentido e no marco dese documento que non integra as achegas do Consello Técnico, reprochou á directora xeral que anuncie agora a aprobación das carteiras de servizo dalgunhas categorías profesionais: “por que non todas? E cal é o cronograma para aprobar as conclusións desas 15 comisións técnicas do Consello e que estas se trasladen ao novo modelo de Atención Primaria?”, cuestionou, logo de censurar que o PP “persista en presentar medidas referentes a un novo modelo organizativo ou a axendas de calidade, cando non hai modelo organizativo nin axendas de calidade que sirvan, se non hai profesionais para levalas a cabo”.
Exemplificando co que está a acontecer co persoal de Enfermería, cada día máis e máis sobrecargado, Prado concluíu que “vostedes o único que pretenden é que as e os mesmos profesionais fagan o mesmo e máis traballo, non incorporar máis profesionais”, polo que pediu á Xunta “menos anuncios e menos fume”. “Sería bo que saíran da súa autocomplacencia e escoitasen o clamor que está aí fóra e que desde logo non está avalando, nin minimamente, a política sanitaria do PP”, concluíu.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
