Santiago, 2 de novembro de 2021. O Grupo Popular insistirá no Pleno da vindeira semana na demanda ao Goberno central para que active urxentemente medidas en favor da industria electrointensiva para garantir a súa viabilidade presente e futura, así como a construción dun buque de acción marítima para a Armada Española nos estaleiros de Navantia na ría de Ferrol.
Ao remate da Xunta de Portavoces, o portavoz popular, Pedro Puy, informou que a sesión plenaria dará comezo coa comparecencia do vicepresidente primeiro do Goberno galego, Alfonso Rueda, para informar sobre o balance da temporada turística e as previsións de cara ao 2022.
Dentro do apartado de proposicións non de lei, o Grupo Popular demandará ao Goberno central a activación urxente das medidas pendentes en favor da industria electrointensiva para garantir a súa viabilidade presente e futura.
MEDIDAS PARA ABARATAR A ELECTRICIDADE
Entre as medidas propostas na iniciativa do Grupo Popular figura o incremento do orzamento destinado ás subvencións relativas ao mecanismo de compensación de custos de emisións directas de gases de efecto invernadoiro, que podería chegar aos 310 millóns de euros; activar o fondo español de reserva para garantías de entidades electrointensivas para a cobertura dos riscos derivados de operacións de compravenda, a medio e longo prazo, de subministración de enerxía eléctrica; convocar de modo inmediato as poxas de electricidade de orixe renovable; e establecer mecanismos de xestión da demanda que permitan ofrecer flexibilidade ao sistema eléctrico.
Pedro Puy lembrou a incerteza na que viven as industrias electrointensivas galegas como consecuencia do prezo da enerxía eléctrica. “Dificilmente pode haber optimismo neste sector industrial cando en España, o prezo do megavatio/hora xa acada os 125,50 euros, mentres en Francia é un 60% máis barato e en Alemaña un 30% menos”, concretou.
En relación con este asunto, o Grupo Popular preguntará ao Goberno galego sobre a situación na que se atopa o proceso de venta da fábrica de alumino de Alcoa en San Cibrao, unha vez coñecidas as últimas novas sobre a sentenza do Tribunal Supremo que ratifica a nulidade do ERE que pretendía levar adiante a empresa.
BAM PARA NAVANTIA
Tamén dentro das proposicións non de lei, o Grupo Popular tamén solicitará unha vez máis ao Goberno de España que proceda ao encargo para os estaleiros de Navantia na ría de Ferrol dun buque de acción marítima para a Armada Española, de xeito que se dote de carga de traballo inmediata tanto para a plantilla principal como para a industria auxiliar.
Por último, o Grupo Popular incorporou na orde do día da sesión plenaria outras dúas preguntas ao Goberno galego: a primeira, sobre o impacto na sanidade galega do convenio asinado pola Xunta coa Fundación Amancio Ortega para a actualización tecnolóxica de equipamentos no Sergas; e unha segunda sobre os traballos e programas que se están a desenvolver nas bibliotecas públicas escolares.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
