Foz, 02 de novembro de 2021. O alcalde de Foz, Fran Cajoto (PSOE), é incapaz de manter en orde as cousas do Concello. O mellor exemplo é a convocatoria das reunións plenarias da corporación, que non consigue facer segundo o acordo unánime polo que teñen que celebrarse na última semana de cada mes. O portavoz popular, Javier Castiñeira, explica que “unha vez máis o alcalde de Foz retrasa o pleno unha semana; non é a primeira vez, como xa denunciamos noutras ocasións”.
Castiñeira lembra que “hai un mandato, por unanimidade de todos os grupos, de que os plenos sexan a última semana de cada mes e Cajoto fixo que sexa habitual que se celebren na primeira semana a mes pasado: pedimos algo máis de organización ao señor alcalde”.
O portavoz do PP sinala que “neste pleno o grupo popular de novo fai o seu traballo e leva mocións nas que demostra a intranscendencia do señor alcalde para o resto de administracións”. Aclara que Cajoto “é intranscendente para a Xunta, que xa se encargou el a principios de mandato de romper relacións co goberno de Galicia, botando a unha conselleira do noso propio concello”. Lembra que “os investimentos grandes os está a conseguir o PP dende a oposición, por exemplo a depuradora, o arranxo do edificio do IES de Foz ou a remodelación do centro de saúde”.
Castiñeira declara: “O señor Cajoto non fai absolutamente nada. En relación co Goberno de España é intranscendente; precisamente unha das nosas mocións vai nese sentido. Pedimos ao Goberno que retome a obra da A-74, ese expediente da autovía Barreiros-San Cibrao que está parado dende 2018. Non se fixo ningunha xestión e dende que Cajoto é alcalde está practicamente parado; nada sabemos tampouco das rotondas de Cangas e pedimos tamén o arranxo dunha parte da ponte vella da Espiñeira, que está en moi mal estado e a usa moita xente como saída cara Vilanova ou Mondoñedo”.
O portavoz popular, por outro lado, anuncia que o seu grupo pedirá “que o goberno municipal apoie a subida do Plan Único”. Sinala que “o Partido Socialista no pleno provincial votou en contra e supoñemos que o señor Cajoto, na súa submisión ao PSOE, tampouco estará á altura, o que significa que o Concello de Foz non disporá dos 100.000 euros máis que podería ter”.
Castiñeira conclúe: “Cajoto é intranscendente para o resto das administracións, que deben ser as que fagan os grandes investimentos neste concello. O PP fai oposición responsable e proba diso son os investimentos da Xunta de Galicia nos próximos anos neste concello”.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
