Lugo, 25 de novembro de 2021. O tecido produtivo lucense atravesa unha situación moi complicada, debido, entre outros factores, o encarecemento da enerxía eléctrica e o gasóleo. Un dos sectores máis prexudicado é o gandeiro, como sinala o portavoz popular na Deputación, Javier Castiñeira, que dende Friol, e en compañía do alcalde, José Ángel Santos, anuncia a presentación dunha iniciativa na Deputación para que o Goberno cambie de estratexia, tanto na política enerxética como na laboral e tributaria, e non afogue ao tecido económico lucense.
Castiñeira sinala: “Que o tecido económico, produtivo, lucense sufre é un feito. O grupo provincial do PP leva meses denunciando esta situación, incluso anos poñendo de relevo o mal momento que pasa a nosa industria, os problemas que ten o sector pesqueiro, as dificultades da construción, os atrancos que padecen os nosos comerciantes. Dende Friol, queremos falar dun dos sectores máis afectados: o gandeiro, que é moi importante para a economía lucense”.
O portavoz popular destaca que “na provincia temos máis de 3.100 explotacións, que producen practicamente o 45% do leite galego, que, a súa vez, supón o 40% do leite nacional”. Destaca que “estes datos convértennos nunha das zonas máis importantes de produción láctea de toda Europa; é moi importante para a economía lucense, máis aínda cando esas 3.131 explotacións están espalladas por todo o territorio lucense, co que é fundamental para a economía rural da nosa provincia”.
O portavoz popular constata que “este sector está a sufrir un dos peores momentos dos últimos anos”. Sinala: “Os altos custos da produción non se ven corrixidos polo prezo de venda. Iso é incumprir a lei da cadea alimentaria. Estamos a pedir que se garantan uns prezos mínimos. Os nosos gandeiros fan ben o seu traballo; modernizaron as explotacións nestes anos e están a traballar arreo para dar boa calidade de leite, para seguir producindo a cantidade que demanda a nosa sociedade”.
O PP demanda “un cambio da política do Goberno, da nefasta política enerxética que eleva os custos de produción, porque sube o prezo do gasóleo e da luz, o que provoca encarecemento dos pensos”. Engade: “É unha mala política de impostos e unha mala política laboral, que prexudican aos nosos autónomos e aos nosas empresas, que se ven afogadas e atravesan un momento moi malo”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
