Lugo, 28 de decembro de 2021. O Pleno da Deputación de Lugo aprobou este martes a cesión gratuíta ao Concello de Trabada da titularidade de seis parcelas provinciais de solo rústico que suman unha superficie total de 68.392 metros cadrados coa finalidade de desenvolver un polígono industrial ou agroforestal, tal e como explicou a Deputada e tamén Alcaldesa da localidade mariñá, Mayra García Bermúdez.
“Dende o Concello queremos aproveitar os recursos que chegan de Europa para paliar a crise sanitaria que estamos vivindo e da que aínda non nos recuperamos” para impulsar a creación dun polígono en Trabada. “En calquera convocatoria que se fai, o primeiro que se solicita é a dispoñibilidade dos terreos, que teñen que certificar os secretarios municipais. Polo tanto, con este acordo podemos acreditar esa dispoñibilidade e por iso vén a aprobación a este Pleno”, explicou Mayra García, quen detallou que xa no mes de outubro “solicitamos fondos do programa Next Generation promovido polo Estado, en concreto, dentro do plan de apoio ao comercio para concellos de menos de 5.000 habitantes, e tamén concorremos a outras liñas de fondos europeos”.
Blindaxe do modelo público de residencias
Por outra banda, a Corporación provincial aprobou hoxe por unanimidade as addendas correspondentes para prolongar ata o ano 2025 os convenios de colaboración da Deputación con 12 concellos da provincia para implantar e executar o modelo asistencial dos centros de atención a maiores. A vixencia destes acordos remataba no 2022, polo que, co acordo adoptado hoxe, a Deputación blinda o seu apoio aos concellos para manter as residencias que están hoxe en funcionamento e abrir as que están previstas, así como o modelo de prestación do servizo, 100% público e en cooperación coas entidades locais, que pon no centro ás persoas, favorecendo o benestar e o arraigo dos maiores, así como a creación de emprego e a dinamización da economía local.
Os concellos beneficiados pola ampliación da vixencia destes convenios son os seguintes: Trabada, Pol, A Fonsagrada, Ribadeo, Pedrafita do Cebreiro, Castroverde, Meira, Ribas de Sil, Navia de Suarna, A Pontenova, Folgoso do Courel e A Pobra do Brollón.
Con respecto aos outros concellos nos que a Deputación tamén ten comprometidas residencias, a vixencia dos convenios asinados rematan en anos posteriores e, no seu momento, tamén serán renovados.
A Deputación de Lugo abriu neste mandato catro novas residencias públicas na provincia, na Fonsagrada, Castroverde, Pedrafita do Cebreiro e Meira, que se suman ás que xa estaban en funcionamento, en Trabada, Ribadeo e Pol. Para o vindeiro ano, ten previsto poñer en marcha os centros de Navia de Suarna e Ribas de Sil, ademais de continuar traballando nos proxectos que xa están en marcha, como son os da Pontenova, Portomarín, Guitiriz, Becerreá, A Pobra do Brollón, Ourol, Folgoso do Courel ou Ferreira de Pantón, entre outros. O investimento que fará a Deputación o vindeiro ano 2022 no funcionamento das actuais residencias e nos avances dos proxectos en marcha alcanza os 10 millóns de euros.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
