Burela, 14 de decembro de 2021. A Concellería de Cultura presentou as actividades de Nadal. Do 22 de decembro ao 9 de xaneiro estará instalada unha carpa na praza da Mariña na que haberá diversas propostas para os máis pequenos. Ademais o 28 de decembro terá lugar o musical infantil Es Navidad! e o día 30 percorrerá as rúas da localidade a charanga NBA.
O concelleiro de Cultura, José Díaz, anunciou que “o primeiro que temos é o día 22 a inauguración da carpa que instalaremos na praza da Mariña, como en anos anteriores menos o ano pasado que non se puido pola pandemia. Vai acoller actividades e diferentes xogos e a xente poderá apuntarse para pasar alí a mañá ou a tarde, ou mercar o bono completo para todos os días destas festas de Nadal. O horario será de once a dúas pola mañá e de cinco a nove pola tarde. Vai haber tamén algunha actividade gratuíta dentro da carpa enfocada aos nenos. Imos mirar de programar máis, pero de momento o día 27 imos ter un obradoiro de Nadal, impartido por Gaia, de once a dúas da tarde, e un contacontos ese mesmo día ás cinco da tarde titulado Abetiño soñaba co Nadal con Sergio Rivas. As actividades dentro da carpa, que estará ata o 9 de xaneiro, serán gratuítas. O día 22 será a entrada gratuíta para todos os nenos e nenas durante toda a tarde de catro a nove”.
O edil burelés contou que “ademais da carpa estivemos intentando instalar atraccións na praza do Concello pero está custando un pouco porque os responsables das atraccións non acaban de decidirse porque non saben como evolucionará a pandemia. Entón confirmaremos nos próximos días si imos poder facer algo alí”.
José Díaz sinalou que “o xoves 23 temos unha charla coloquio moi interesante, non é actividade de Nadal propiamente pero está enclavada nesas datas. Será de once a unha da tarde e correrá a cargo dos olímpicos Ana Peleteiro e o viveirense Adrián Ben, que falarán da obesidade infantil e o deporte infantil. A entrada é gratuíta. Tamén ese xoves temos unha obra de teatro para os máis pequenos coa compañía Mircromina, que presentan o espectáculo de títeres Historia para unha man. Será ás seis da tarde no auditorio. Esta representación ven a través da Deputación Provincial do ciclo Monicreques. O día 28 temos o musical infantil Es Navidad!. As entradas están á venda online. Hai moito vendido aínda que quedan algunhas entradas dispoñibles. É un musical para nenos e nenas ata sete anos e será ás seis da tarde. O xoves 30 haberá un pasarrúas coa charanga NBA, de seis e media a oito e media polas rúas de Burela. Pretendemos ter un pouco de ambientación nas rúas á hora dos viños e tamén para as compras nos comercios”.
A carpa instalada na praza da Mariña permanecerá pechada os días 25 de decembro e 1, 4, 5 e 6 de xaneiro. Os días 24 e 31 de decembro estará aberta de 11:00 a 14:00 horas. Os prezos serán de 3€ pola mañá, 5 euros pola tarde e 30 euros o bono.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
