Lugo, 23 de decembro de 2021. A sector pesqueiro é fundamental na economía da provincia de Lugo. Pese a elo, e a que o apoio a este sector está entre as competencias da Deputación, esta institución apenas lle dedica anualmente máis que cantidades simbólicas. Agora que os problemas aos que se enfrontan os pescadores aumentan, o Partido Popular acode unha vez máis a expoñer o seu respaldo e apoio. Nesta liña, o portavoz do PP, Javier Castiñeira, estivo esta mañá no porto de Burela, co patrón maior da confraría, Basilio Otero. Castiñeira explica que “o grupo provincial do PP quere mostrar así, no día de hoxe, o seu apoio á frota lucense, que é moi importante para a economía da nosa provincia”. Un apoio que se produce con máis forza aínda “polos malos momentos que está a vivir a nosa frota, despois de coñecer que se ve reducida a súa capacidade pesqueira nas últimas semanas, polo acordo da Unión Europea, e moi especialmente nunha das pesqueiras máis importantes para os portos de Burela e Celeiro como é a da pescada”.
Castiñeira sinala: “Esa redución das cotas prexudica á nosa frota, como a prexudicará se se eliminan as bonificacións ao gasóleo para os nosos barcos; profundaría moito máis na crise”. Engade: “O Partido Popular de Lugo está sempre cos nosos mariñeiros, coa nosa frota, en todas as institucións”.
O portavoz provincial do PP anunciou esta mañá ao patrón maior que “o PP presentará unha moción na Deputación de Lugo, para que esta institución inste ao Goberno central a unha maior implicación coa nosa frota, porque entendemos que o noso país está a perder, no que á pesca se refire, relevancia por falta de peso específico do Goberno con respecto a outros estados da UE”.
Os populares instarán, na mesma iniciativa, “á Deputación a unha maior implicación propia do goberno provincial, do bipartito PSOE-BNG, que parece ser que non sabe que a provincia de Lugo ten mar; das tres deputacións galegas con costa nos seus territorios, é a que menos implicación ten, a que menos financia ao sector pesqueiro”.
Castiñeira considera “que o 2022, o ano da recuperación, é o momento de dar máis axudas ás confrarías, á federación e de promocionar máis e mellor os produtos pesqueiros do que o fai a día de hoxe. Esperemos que no próximo pleno teñamos o apoio unánime de todos os grupos”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
