A Coruña, 28 de decembro de 2021. O delegado do Goberno en Galicia, José Miñones, destacou hoxe o importante revulsivo que suporá para os concellos da comarca da Mariña a aposta que fai Goberno pola promoción do turismo sostible no destino da Mariña lucense. Fixo estas declaracións ao anunciar que o Boletín Oficial do Estado vén de publicar a resolución da Secretaría de Estado de Turismo que informa do convenio asinado polo Goberno coa Mancomunidade de Municipios da Mariña e a Comunidade Autónoma de Galicia para a execución do Plan de Sostibilidade Turística na Mariña lucense.
O delegado explicou que o apoio do Goberno a este proxecto enmárcase na súa aposta pola dinamización económica da provincia de Lugo, especialmente na comarca da Mariña, e o compromiso coa promoción turística de Galicia. Así, salientou que a inclusión do proxecto presentado pola Mancomunidade de Municipios da Mariña lucense no Plan de Sostibilidade Turística suporá unha inxección económica por parte do Ministerio de Industria, Comercio e Turismo de 1.000.000 euros para un proxecto que mobilizará un orzamento total de 2.225.000 euros tal como estipula o convenio.
Miñones, que avanzou este compromiso nas visitas que efectuou nas últimas semanas a varios dos concellos que se beneficiarán do plan, remarcou que este é un exemplo de colaboración institucional pois o Goberno respalda economicamente unha iniciativa da Mancomunidade de Municipios da Mariña, que conseguiu tamén o apoio da Xunta, para que se poida desenvolver un proxecto que supón unha importante oportunidade para esta comarca lucense.
Co Plan de Sostibilidade Turística na Mariña lucense trátase de poñer en valor os numerosos atractivos que ofrece a comarca, co desenvolvemento de diversas iniciativas en torno ao Camiño do Mar, a Ruta Pardo de Cela, o turismo slow, o agroturismo e o turismo gastronómico, entre outros. Tal como destaca o convenio asinado pola Secretaría de Estado de Turismo coa Mancomunidade de Municipios da Mariña Lucense e a Axencia de Turismo de Galicia o proxecto ten o obxectivo de impulsar un desenvolvemento turístico sostible na comarca, poñendo en valor o seu patrimonio cultural e natural protexido para frear a perda demográfica nas áreas rurais.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
