Lugo, 26 de decembro de 2021. O Grupo Provincial do BNG levará ao vindeiro pleno provincial – 28 de decembro – unha moción para demandar á Xunta de Galicia e ao Goberno do Estado medidas eficaces e urxentes para paliar as perdas das gandeirías de carne.
Segundo explican desde a formación nacionalista, a pandemia do Covid non fixo máis que agravar a situación de afogamento que leva padecendo o sector nos últimos anos debido a un incremento continuo dos custes de produción, agora disparados pola suba dos insumos, o gasóleo ou a electricidade.
Desde o BNG, esixen aos gobernos galego e estatal mecanismos eficaces que eviten que os gandeiros vendan a perdas e ferramentas que garantan a produtores e produtoras un verdadeiro poder de negociación fronte á industria e á distribución.
Nese sentido, a proposta que se presentará para o debate no pleno demanda a creación dun foro ou mesa sectorial arbitrada pola Xunta de Galicia que tome decisións vinculantes; a creación, no desenvolvemento da Lei da Cadea Alimentaria, dunha ferramenta pública e accesible que determine o cálculo para obter os custos de produción de referencia así como a introdución nos contratos entre produtores e comercializadores de claúsulas de actualización automática ligadas á evolución dos custos de produción.
A moción do BNG tamén demanda á Consellería de Medio Rural un programa de axudas ao sector, que estableza pagamentos directos aos gandeiros e gandeiras e garanta a continuidade das granxas.
A deputada nacionalista Mónica Freire explicou que “a iniciativa pretende dar respaldo político e institucional as demandas dos gandeiros e gandeiras e situar no centro do debate as problemáticas dun sector fundamental para a provincia de Lugo, que conta con máis da metade das granxas de vacún de Galiza.
A tamén deputada de Medio Rural advertiu que “ de non existir solucións reais a curto e a longo prazo, moitas destas granxas veranse obrigadas a pechar, con consecuencias económicas, sociais e ambientais críticas, sobre todo en comarcas como A Fonsagrada, Os Ancares, O Courel ou mesmo Sarria ou a Terra Chá onde as gandeirías de vacún teñen un peso moi importante na riqueza e na xeración de emprego e no mantemento do territorio”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
